Ardi HS
Ardi HS (gumelar di Cikampék, 27 Maret 1898 – maot di Jakarta, 17 Désémber 1985 dina umur 87 taun) nyaéta pamaén sandiwara sarta pamaén pilem. Lulusan ti Sakola Rakyat (SR) taun 1916. Saacan anclum ka dunya perpanggungan antawis taun 1920-1924, anjeunna kungsi gawé jadi wagen mandoor di Stasiun Cikampék sabari dadagangan és.[1]
| Ardi HS | |
|---|---|
| Gumelar | 27 Maret 1898 Cikampék, Jawa Kulon, Hindia-Walanda |
| Tilar dunya | 17 Désémber 1985 (yuswa 87) Jakarta, Indonésia |
| Pagawéan | Pamaén pilem |
Taun 1926 mimiti ngilu pagelaran salaku pamaén gitar, taun 1928 jadi chorus boy, penari lalaki di rombongan sandiwara Dardanélla. Tuluy pipindahan ti hiji rombongan ka rombongan sandiwara lianna, sangkan statusna robah jadi pamaén. Anclum ka dunya pilem téh dina taun 1940, ngan teu lila. Salila mangsa pendudukan Jepang jeung revolusi, anjeunna balik deui ka panggung. Sanggeus taun 1950, anjeunna miboga kasempetan pikeun maén di hareupeun kaméra. Dipikawanoh salaku artis Tangkiwood, nu nyicingan komplék khusus pikeun artis-artis nu hirupna jauh ti kaméwahan di Jakarta Pusat. Anjeunna pernah maén dina pilem Serigala Item (1941), Sampah (1955), Pejuang (1960), Bakti (1963), sarta Koboy Ngungsi (1975). Dina yuswa nu geus kaitung kolot, anjeunna masih kénéh aktif maén pilem, salaku kolot di talantarkeun, jalma nu torék, jalma pikun nu ngomongna maké logat Sunda.[1]
Rujukan édit
- ↑ a b Rosidi, Ajip, 1938-; Pustaka Jaya (Firm) (2000). Ensiklopedi Sunda : alam, manusia, dan budaya, termasuk budaya Cirebon dan Betawi (Cet. 1 ed.). [Jakarta]: Pustaka Jaya. ISBN 9794192597. OCLC 45463431.
Tumbu kaluar édit
- (en) Ardi H.S. di Internet Movie Database
|
Artikel ngeunaan biografi inohong ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |