Chris Martin
Christoper Anthony John Martin atawa anu kasohor Chris Martin nyaéta vokalis, gitaris, katut pianis grup musik Coldplay[1][2]. Lalaki anu gumelar di Devon, Inggris tanggal 2 Maret 1977 ieu sok ngagunakeun téhnik falsetto nalika nyanyi, sorana kassup warna tenor[1][2]. Chris nikah jeung Gwyneth Paltrow (5 Désémber 2003)[1]. Chris boga 2 anak, di antarana Apple Blythe Alison Martin (14 Méi 2004) jeung Moses Bruce (8 April 2006)[1][2][3].
.jpg)
Martin, anakna ti akuntan jeung guru iru dididik di sakola Sherbourne, diteruskeun di Universitas College London, Martin nyokot program studi dunia kuno[3]. Martin papanggih jeung Will Champion, Guy Berryman jeung Jonny Buckland di Ieu universitas (±1990an)[3]. Martin mulai nulis lagu jeung Jonny[3]. Guy resep kana naon anu ditulis ku maranéhna terus mulai maénkeun bass, sedengkeun Will mulai diajar drum[3]. Chris Martin saparakanca terus mulai latihan sacara inténsip[3]. Taun 1998, grup musikna anu dingaranan Coldplay]] ieu konsér di Féstival Manchester, sanggeus konsér, Coldplay nyieun kontrak jeung label Panda Fierce kalayan single Brothers and Sisters, terus teu sababaraha lila ti Harita Coldplay nyieun kontrak jeung label rekaman Parlophone[3]. Salian jadi panyanyi, Chris Martin jueng Jon Buckland (gitaris Coldplay) kungsi tampil dina pilem Shaun of the Dead najan peranna teu pati loba[1].
Référénsi
édit- ↑ a b c d e Profil Chris Martin-kapanlagi.com (diaksés tanggal 20 Nopémber 2011)
- ↑ a b c Chris Martin-bio-imdb.com (diaksés tanggal 20 Nopémber 2011)
- ↑ a b c d e f g (en)Biografi Chris Martin Archived 2011-12-18 di Wayback Machine (diaksés tanggal 20 Nopémber 2011)
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |