Huut
Huut nyaéta cangkang paré.[1] Wujudna ipis kelirna semu konéng karasa keusrak kawas sisit tur teu bisa dikonsumsi ku jalma.[2][3] Paré, jujukutan, ogé séréal, jelai, jeung gandum mangsa geus kolot tur asak sikina disimbutan pageuh ku cangkang ipis, garing tur keusrak (disebut ogé glumes, lemmas jeung paleas), sabada kulit atawa cangkang anu nyimbutan sikina dileupaskeun tina, ngaranna disebutna huut atawa sekam (id); chaff (en).[4]
Mesék atawa ngaleupaskeun cangkang paré bisa ku sababaraha cara: ditutu maké halu dina lisung, digiling maké mesin huller . Nutu atawa ngagiling paré jirangan kahiji, ngahasilkeun hampas tina paré téh tayalian huut badag (cangkang paré).[4] di mana cangkangna geus lalésot tuluy waé ditapi pikeun misahkeun cangkang paré atawa huut jeung béasna.[4]
Sanajan huut henteu bisa dikonsumsi ku manusa, tapi mibanda sababaraha kagunaan : Pikeun media pepelakan utamana pepelakan hias, huut alus pisan ku lantaran cai gampang rembes ogé ngeprul.[5] Disababaraha daérah dipaké ogé pikeun meuleum batu bata.[6] Huut beunang meulem disebutna lebu, dimangpaatkeun pikeun ngumbah wadah.[7]
Dicutat tina
édit- ↑ Dibrata, R.A. Dana (2009). Kamus Basa Sunda. Bandung: PT Kiblat Buku Utama. ISBN 9793631937.
- ↑ Jonathan, Rigg (1862). A Dictionary of the Sunda Language of Java. Universitas Harvard: Bataviaasch Genootschap van Kunsten en Wetenschappen.
- ↑ Rigg, Jonathan (1862). A Dictionary of the Sunda Language of Java. Universitas Harvard: Bataviaasch Genootschap van Kunsten en Wetenschappen. p. 152. ISBN 9786020327372. Diakses tanggal 9 Desember 2019.
- ↑ a b c (id)"Berbagi Rahasia Usaha Di Masa Sulit". Grasindo. Diakses tanggal 18 April 2017.
- ↑ Wahyu Wiryanta, Bernardinus T. (2009). Media Tanam untuk Tanaman Hias. Bandung: AgroMedia. ISBN 9789790061354.
- ↑ Widyatmoko, Agoeng (2009). 100 Peluang Usaha. Bandung: MediaKita. ISBN 9789797940096.
- ↑ Larasati, Riana (2010). 400 Solusi Rumah Mungil. Bandung: Pustaka Grhatama. ISBN 9786028687027.
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |