Jaclyn Smith
Jacquelyn Ellen Smith leuwih dipikawanoh Jaclyn Smith (gumelar di Houston, Texas, Amérika Sarikat, 26 Oktober 1947; umur 77 taun) nyaéta saurang aktris, modél sarta désainer fashion.[1] Akting kasohorna nalika merankeun Kelly Garrett dina sérial tipi, Charlie's Angels (1976-1981).[2] Jaclyn ngamimitian debutna liwat pilem Escape from Bogen County (1977), sarta kakara meunang peran utamana mah dina pilem The Users (1978), anu dibéntanganana bareng Tony Curtis jeung John Forsythe.[2] Taun 1980, Smith ngabéntangan pilem Nightkill, anu tuluy suksés di pasar pilem dunya.[2] Tapi bareng panggarapan pilem éta dirina pepegatan jeung salakina, Dennis Cole.[2] Tuluy, Smith ngabéntangan pilem tipi Jacqueline Bouvier Kennedy, anu saterusna nganteurkeun ngaranna ngaraih nominasi Best Actress Golden Globe.[2] Sedengkeun patalian jeung kahirupan pribadina, Jaclyn geus kawin opat kali, runtut salakinana téh nyaéta aktor Roger Davis, aktor Dennis Cole, produser Anthony B. Richmond jeung salaki anu nepi kiwari nyaéta Dr. Brad Allen, anu kawinna tanggal 11 Oktober 1997.[2]
| Jaclyn Smith | |
|---|---|
 Jaclyn Smith (June 2006) | |
| Gumelar | Jacquelyn Ellen Smith 26 Oktober 1945  Houston, Texas, Amérika Sarikat |
| Taun aktip | 1969–kiwari |
| Pasangan | Roger Davis (1968–1975; pepegatan) Dennis Cole (1978–1981; pepegatan) Anthony B. Richmond (1981–1989; pepegatan; 2 anak) Brad Allen (1997–kiwari) |
| Situs web | |
| www | |
Rujukan
édit- ↑ "''Texas Births, 1926-1995. Family Tree Legends Records Collection (Online Database). Pearl Street Software, 2004-2005''". Familytreelegends.com. Diakses tanggal 3/14/2016. Archived 2014-04-20 di Wayback Machine
- ↑ a b c d e f "Profile Selebriti - Jaclyn Smith". Kapanlagi.com. Diakses tanggal 3/14/2016.
|
Artikel ngeunaan biografi inohong ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |