Sekar gending
Sekar Gending atawa aya ogé anu nyebutkeun karawitan campuran nyaéta sekaran anu dipirig kalayan gendingan.[1]
Sawatara wangun sekar gending dina pagelaran karawitan dibagi dina sawatara bagian nurutkeun jalanana sekar dang ending, aya lima wangun sekar gending, nyaéta:[1]
- Sindenan Lampah Lagon
Sekar wirahma merdika anu dipirig ku waditra-waditra anu miboga sipat-sipat individu, kawas rebab, gambang, génder, suling jeung sajabana.[1] Dina bagian ahir (madakeun), dipirig gending tandak kalayan waditra-waditra anu séjén (disarayudakeun)
- Sindenan Lampah Sekar Gending
Gending sarta Sekar leumpang dina hiji paduan, di mana panjang pondokna lamun diukur kalayan wiletan baris sarua panjangna.[1]
- Sindenan Lampah Sekar
Sekar tandak anu dipirig waditra-waditra kawas gambang, génder, gong, kendang jeung sajabana.[1]
- Sindenan Lampah Gending
Iringan gending gamelan ngan dieusi ku sekar dina bagian-bagian nu tangtu waé.[1]
- Sindenan Lampah Jineman
Dina prinsipnya sarua waé kalayan sindenan lampah sekar, béda anu utamana ngan dina pakakas rebab waé, di mana pakakas ieu henteu dipaké.[1] Béda jeung di Bali, aya anu disebut Gending Rare atawa Sekar Rare ngawengku sagala rupa jenis Kakawihan barudak dina kaulinan.[2] Jenis tembang ieu umumna maké basa Bali basajan, boga sipat dinamis sarta gumbira, ku kituna bisa dikawihkeun kalayan gampang dina kaayaan ulin sarta gumbira.[2] Biasana unggal lagu dilengkepan atawa minangka pelengkap tina hiji kaulinan (dolanan) anu miboga téma sarua.[2] Tapi aya ogé anu nangtung sorangan, minangka lagu-lagu rahayat (gegendingan) anu bentukna pohara basajan.[2]
Rujukan
édit
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |