Sony
Sony ngadeg taun 1946, sabada perang dunya kadua[1]. Inohong anu ngadegkeunana Masaru Ibuka jeung Akio Morita[1]. Saméméh jadi perusahaan Sony, ieu perusahaan téh dingaranan Tokyo Tsushin Kogyo atawa mindeng disebut Tokyo Telecommunications Engineering Corp[1]. Nalika ngadeg Sony ngan miboga dalapan pagawé. Produk mimitina nyaéta power megaphone[1]. Di taun 1950, Sony suksés ku produk pakakas paranti ngarékam sora di Jepang, anu dingaranan Type-G[1]. Di taun 1950, Tokyo Tsushin Kogyo rék mulai mekarkeun perusahaanana ka pasar global[1]. Tapi lantaran aya nu geus maké éta ngaran. Ku kituna, wayahna kudu ngéléhan sangkan ganti ngaran perusahaan[1]. Tokyo Tsushin Kogyo diganti ngaranna jadi Sony. Ieu ngaran dipilih lantaran euweuh hartina tina basa mana waé[1]. Lamun nilik kana basa latin, Sony téh tina kecap Sonus anu hartina sora[1]. Ku kituna, dipiharep ngaran Sony bisa jadi trademark pikeun perusahaanana[1]. Ngawanohkeun ngaran anyar ka dunya bisnis lain perkara anu gampang. Di taun 1958, ieu perusahaan resmi ganti ngaran jadi Sony[1]. Di taun 1960, Sony muka cabang di Amérika Serikat, taun 1968 muka cabang deui di Inggris, taun 1973 mimitian muka cabang di Prancis, tuluy di taun 1986 muka cabang di Jérman[1].
Produk édit
Industri Game édit
Sony ngamimitian nyieun produk game kalayan gawé bareng jeung Ninténdo[2]. Hasil gawé barengna mangrupa produk PlayStation anu diwanohkeun dina kagiatan Consumer Electronic Show di bulan Juni taun 1991[2]. Ken Kutaragi mangrupa inohong tina lahirna produk game di Sony[2]. Manéhna nyieun panalungtikan jeung mekarkeun produk chip pikeun game sacara susulumputan di laboratorium Sony Digital Research[2]. Éta tindakan téh lalaunan kanyahoan, anu ngalantarankeun Ken Kutaragi dipikaambek ku babaturan gawéna. Tuluy, éta chip jieunan Ken Kutaragi téh dijual ka Ninténdo[2].
Sababaraha taun di éta kajadian, Nintendo ngajak gawé bareng jeung Sony pikeun mekarkeun produk Konsol Super Nintendo[2]. Harita, Nintendo masih kénéh ngagunakeun cartridge. Tuluy Sony méré sawangan pikeun mantuan ngamodifikasi Super Nintendo sangkan bisa dimaénkeun dina CD (compacr disc)[2]. Sanajan Sony masih kénéh can yakin kana éta proyék, tapi Ken Kutaragi optimis bakal bisa nyumponan jeung ngahontal éta proyék[2].
Hasilna, Super Nintendo bisa dimaénkeun dina cartridge jeung CD[2]. Éta konsol téh dingaranan Nintendo PlayStation[2]. Gawé bareng antara Sony jeung Nintendo teu manjang, lantaran teu meunangkeun kecap sapuk nalika babagi bati tina hasil bisnis Nintendo Playstation[2]. Hasil ahirna, Nintendo meunangkeun bati tina cartridge, sedengkeun Sony meunangkeun bati tina CD[2].
Produk lian ti Sony sanggeus Nintendo PlayStation, nyaéta PlayStation 2 anu ngagunakeun Emotion Engine. Ieu konsol téh dilengkepan ku backward compatibility, para pamaén bisa ngagunakeun game PS1 di PS2[2].
Di taun 2006, Sony medalkeun PlayStation 3. Ieu produk téh jadi produk anu ngamimitian ngagunakeun téhnologi HDMI jeung video 1080p[2]. Lian ti éta, ieu pakakas ogé bisa dihubungkeun kana jaringan Wi-Fi. Ieu produk gé geus dilengkepan ku hard drive 20 GB[2].
Di taun 2013, Sony medalkeun PlayStation 4. Ieu produk dilengkepan ku CPU x86. Nepi ka taun 2020, ieu produk geus laku 110,4 juta unit di masarakat. Di taun 2020, Sony medalkeun PlayStation 5, anu bakal nyaingan Xbox Series X ti Microsoft[2].
Télévisi édit
Salah sahiji produk ti Sony nyaéta TV[3]. Ieu produk miboga sababaraha kaonjoyan nyaéta resolusi HD 1080p, miboga konéktor HDMI, dilengkepan port USB, layarna geus ngagunakeun LED triluminos, motionflow anu ngalantarankeun gambar jadi alur, jeung fitur lain sajabana[3].
Komputer édit
Produk lian ti Sony nyaéta komputer[3]. Ieu produk ngaranna VAIO anu mangrupa singgetan Visual Audio Intelligent Organizer[3]. Ieu komputer miboga sababaraha seri, di antarana AW, FW, Z, jeun lain sajabana[3].
Daftar Référénsi édit
- ↑ a b c d e f g h i j k l "Sejarah Sony, Masuki Industri Game Karena Marah dengan Nintendo | Hybrid". hybrid.co.id. Diakses tanggal 2021-04-25.
- ↑ a b c d e f g h i j k l m n o p "Sony dan Nintendo Bukan Lagi Kompetitor Utama Microsoft? | Dailysocial". dailysocial.id. Diakses tanggal 2021-04-25.
- ↑ a b c d e "Sejarah Sony: Perusahaan Konglomerat Multinasional Terkemuka". accesstrade.co.id (dalam Indonesian). Diakses tanggal 2021-04-25.