Viking
Viking nyaéta hiji bangsa nu perenahna di nagara Skandinavia, pacabakanna kana balantik, tatanén, baheula kasohor ogé tukang ngabégal utamana mangsa balantik henteu beunang hasil.[1][2] Jaman Viking, dimimitian kurang leuwih dina taun 800 M kalawan mayeng nepika 300 taun lilana.[1] Bangsa Viking hirup ngalalana ka nagara-nagara nu jauh, kaasup di jerona nagara bagian Rusia jeung Amérika Kalér.[1]
Kunaon sababna bangsa Viking sok ngadon ngalalana, ieu ku alatan di nagarana mibanda usum tiris (salju) nu kawilang panjang.[1] Kitu deui kaayaan taneuhna kurang alus tempona dimangpaatkeun pikeun tatanén, pikeun nyumponan pangabutuhna maranéhna kudu balangsiar néang tempat séjén pikeun balantik rupa-rupa kabutuhan.[1]
Dina prakna ngalalana bangsa Viking bisa nepika Nagara Prancis, Inggris, Irlandia, jeung sajabana.[1] Dina ngayakeun balantik, bangsa Viking ilaharna mikabutuh kana emas, perak, rempah-rempah, sutra, beusi, jeung rupa-rupa perhiasan.[1]
Sajarah
éditDatang ka hiji daérah bangsa viking pikeun balantik atawa ngajorag ngadon meruhkeun éta daérah kalawan nyokot banda jeung pakayana, di mana hiji daérah geus hasil diperuhkeun mangrupa kagumbiraan jeung buktina bangsa viking sok ngadegkeun tugu di éta daérah patalukan nudijieun tina batu kalawan maké ukiran tina aksana rune.[1]
Bangsa Viking mimiti manggihan Islandia dina taun 860 M, kalawan teu dihaja mangsa maranéhna disatengahing balayar katiup ku angin gedé nepika kalangsu leungiteun jalan nu dituju antukna anjog ka éta pulo.[1] Kapal laut nu dipaké ku bangsa viking sok disebut kapal panjang, ku lantaran panjangna bisa nepika 30 méter kalawan kagigirna teu pati rubak.[2] Ieu kapal bisa maju balayar kalawan gancang cocog pisan pikeun lumampah ka tempat jauh, bisa ngagunakeun tananga manusa jeung bantuan angin.[1][2] Kapa-kapal bangsa Viking henteu mibanda dek (panundaan barang di luhureun kapal), babawaan kapal ditunda di tengah-tengah kapal sagigireun nu ngadayung/ngawelah kapal disebutna knarr.[1]
Asal muasal bangsa Viking téh ti nagara Norwegia, Denmark, jeung Swedia.[2] Maranéhna ngajajah Eropa beulah kalér, malahan nepika Amerika kidul sarta Italia.[2] Bangsa viking ngayakeun balantik jeung urang Arab, kitu deui urang Asia.[2] Rupa-rupa nu dijual beulikeun kayaning, kulit, bulu sasatoan, gading, budak beulian, rempah-rempah jeung sajabana.[2]
Maranéhna parigel nyieun pakakas jeung pakarang, kampak, tumbak jeung pedang salah sahiji pakarang andelanna.[2] Pedang-pedang nu haradé, engkéna baris diwariskeun ka turunanna.[2] Pakarang-pakarang ieu ilaharna dibéré ngaran nu pikagimireun atawa pikakeueungeun, saperti pedang hanaang getih, tukang nyabut nyawa, jeung réa-réa deui.[2]
Tayalian Sweyn Forkbeard salah sahiji bangsa viking pang pinunjulna mangsa harita, kungsi ngadegkeun hiji kakaisaran nu puseurna di sabudeureun laut kalér.[2] Manéhna ogé Raja Denmark jeung Norwegia, dina taun 1013 dipercaya jadi Raja Inggris.[2]
Lamun pareng aya pamingpinna anu palastra, Bangsa viking mibanda hiji kabiasaan dina cara mulasarana.[3] Jasadna di tunda dina peti kai beunang nilaman kulit, tuluy harta bandana sarta barang-barang pribadi ditunda gigireuna di mana geus réngsé kakara dihuru/diduruk.[3]
-
Parahu panjang bangsa Viking -
Tugu tina batu -
Pedang (pakarang) -
Tanduk paranti nginum
Baca ogé
édit- Mengubah Dunia, Temuan Yang (16 Januari 2018). Ensiklopedia. Elex Media Komputindo. ISBN 9789792787672.
- Mengubah Dunia, Temuan Yang (16 Januari 2018). THE STORY OF CHRISTIANITY, Menelusuri Jejak Kristianitas (soft). Kanisius. ISBN 9789792111958.
- Langley, Andrew. Maukah kamu jadi penjelajah Viking?: perjalanan yang seru untukmu!. Erlangga for Kids. ISBN 9789797818098.
Dicutat tina
édit- ↑ a b c d e f g h i j k Lincoln, Margarette (2005). Penjelajah. Jakarta: Erlangga for Kids. p. 31. ISBN 9789797811006.Ditempo kaping16 Januari 2018
- ↑ a b c d e f g h i j k l Rupert, Matthews (2005). Pejuang dan perompak. Jakarta: Erlangga for Kids. p. 15. ISBN 9789797811013.Ditempo kaping16 Januari 2018
- ↑ a b Adams, Simon (2007). Atlas Dunia Abad Pertengahan. Jakarta: Erlangga for Kids. p. 28. ISBN 9789790157149.Ditempo kaping16 Januari 2018
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |