Évie Tamala

Cucu Suryaningsih leuwih dipikawanohna mah Évie Tamala (gumelar di Cigalontang, Singaparna, Kabupatén Tasikmalaya, 23 Juni 1969; umur 55 taun) nyaéta saurang panyanyi dangdut Indonésia anu geus mimiti nyanyi ti keur kelas 2 SD. Évie téh anak bungsu ti genep sadudulur.

Évie Tamala
Gambar:Evie Tamala.jpg
Profil
Nami	Cucu Suryaningsih
Gumelar	23 Juni 1969 (1969-06-23) Tasikmalaya, Jawa Barat, Indonesia
Aliran	Dangdut
Pacabakan	Aktris Penyanyi
Taun aktip	1987—ayeuna
Lébel	Blackboard MSC Plus Music Plus Musica Studio's
Maén di	Cici Paramida, Ikke Nurjanah, Ine Sinthya, Iis Dahlia, Rita Sugiarto, Rhoma Irama, Camelia Malik, Iyéth Bustami

Karir

Évie naratasan karirna ku ngagabung jeung grup Orkés Melayu (OM) Sinar Remaja taun 1980. Harita, Evie masih ngagunakeun ngaran panggung Uceu Arfina, disibukkeun ku kagiatan manggung dina acara-acara hajatan saperti raraméan jatukrami, sukuran khitanan, nepi ka raraméan poé Kamerdékaan RI. Bareng jeung Sinar Remaja Évie meunang kasempetan pikeun ngeusi acara di wewengkon Bandung, anu satuluyna matak pikaresepen saurang panyipta jeung produser lagu dangdut Muchtar B. Muchtar langsung ngajak Évie pikeun rekaman. Hanjakal, album Évie téh hasilna pikucéwaeun, malah mah kasétna gé teu sumebar.

Évie ngareuah-reuah deui dunya musik dangdut taun 1988, bareng jeung dipedalna album nu kadua ku lagu andalanna Tang Ting Tong Der karya Muchtar B. Préstasi nu paling fenomenal anu dimeunangkeun ku Évie dina taun 2007 dina tarékah panghargaan AMI Awards. Évie suksés meunangkeun tropi pikeun kategori Lagu Terbaik Dangdut Konvénsional, Artis Solo Wanita Terbaik Dangdut Konvénsional, Artis Solo/Duo/Group Terbaik Album Dangdut Konvénsional, Produser Rekaman Terbaik Penunjang Produksi, Artis Terbaik Bidang Umum, jeung Album Terbaik Bidang Umum.

Rujukan

Artikel ngeunaan biografi inohong ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.