Wikipédia

Ganas Madu

Ganas madu, (Danas madu) nyaéta salah sahiji ganas anu mangrupa bungbuahan tropis jeung subtropis[1].Bungbuahan anu asalna ti nagara Brazil ieu téh bisa tumuwuh kalayan nyugemakeun di daérah tropis, utamana di sabudeureun daérah khatulistiwa[2]. Indonésia jadi nagara katilu anu ngaeksportir ganas sabada Filipina jeung Thailand. Jenis ieu téh jadi kaonjoyan ganas ti subang disebutna ganas "Si Madu"[3]. Sebutan éta asalna tina rasa ganasna sorangan anu kareueut pisan[3].

Ganas Subang atawa sok disebut ogé Ganas Madu

Katakteristik

édit

Si Madu geus jadi trade mark atawa ciri has oleh-oleh ti daerah Subang[4]. Ganas si madu geus lila dipelak ku para patani di daerah Tambakan, Tambak mekar, Bunihayu, Jalancagak jeung Kumpay anu ngajadikeun Subang jadi kawentar di Indonésia malah nepi ka dunya internasional ogé[4].Si madu mah beuratna kurang leuwih 1 kg nepi ka 2,5 kg[2]. Ganas si Madu jarang di kebon ganas ku sabab ganas si madu lain rupa/ varietas ganas[5].Ganas si madu mangrupa segregasi atawa penyimpangan génétika ganas subang[5]. Biasana dina sakali panén ganas si maduna kurang ti dua puluh[5].Ganas mah panénna téh teu usum-usuman, jadi ganas si madu téh primadona teu ngan saukur di subang tapi jadi primadona nasional ogé[5]. Dina taun 1970-an, ganas anu dibudidayakeun di Subang pikeun dikomersilkeun nyaéta jenis ganas smooth cayenne jeung queen tapi nalika taun 1980-an, Subang museurkeun kana jenis smooth cayenne[5].

Kiwari, loba patani-patani anu asalna ti Kalimantan jeung Sumatera anu meuli ganas si Madu pikeun dipelak tur dibudidayakeun di kebon maranéhna[4]. Numutkeun Balai Penelitian Pertanian Bogor ganas asal Subang miboga loba vitamin ku sabab dina ganasna loba caian[4]. Ganas si Madu gampang ditéangan ku sabab di sapanjang jajalananeun ka Subang loba warung-warung anu ngajual si Madu, atawa bisa ogé langsung meuli ka patanina[4].Disagédéngeun boga potensi pasar anu hadé, ganas ogé boga rupa-rupa mangpaat[2]. Dina ganas aya rupa-rupa zat anu alus pikeun kaséhatan urang di antarana vitamin B, vitamin C, fosfor, kalium, magnesium, besi, natrium, kalium, dekstrosa, sukrosa, sarta enzim bromelain[2]. Lian ti éta ogé ganas bisa ngajauhkeun urang tina sababaraha kasakit kayaning jantung, beri – beri, stroke jeung réa-réa deui kasakit anu bisa disingkahan ku lantaran ngadahar ganas[2]. Ganas kaasup kana bungbuahan anu babari ruksak atawa buruk ku sabab loban kandungan air dina ganas anu dibalukarkeun ku ''mikroorganisme pembusuk'', ku kituna cara ngungkulanana nyaéta ganas dijieun kadaharan séjén kayaning dodol ganas, kiripik ganas, jeung réa-réa deui[6]. Di daérah subang kawentar ku dodol ganasna anu rasana ngeunah tur seger Tapi anu dijadikeun dodol ganas atawa kiripik ganas téh lain Si madu da lamun si madu mah moal aya rasa haseum pasti ngeunah pisan bari hanjakalna hargana moal kaberik,moal aya untung kanu ngajual ku lantaran harga si madu langkung awis batan ganas anu biasa.[5]

Ciri Ganas si Madu

édit

Ganas si Madu boga ciri husus di antarana nyaéta:

  1. Rasana kareueut[7]
  2. Teu buleud tapi lonyod[7]
  3. Warna dagingna konéng pias[7]
  4. Warna cangkangna biru kakonéng-konéngan[7].

Cara ngabudidayakeun Si Madu

édit

Ganas si Madu langka kapanggih ku sabab éta mah penyimpangan tina genetika ganasna sorangan, tapi ayeuna aya tarékah pikeun ngabudidayakeun Si Madu, Léngkah-léngkahna nyaéta:

  • Léngkah mimiti taneuh disaeur kira-kira 20cm-30cm, tuluy diratakeun[7].
  • Pupuk alami contona tai domba atawa sapi anu geus asak kurang leuwih 1000 karung nu gedéna 50 kg diawurkeun pikeun 1 héktar kebon, tapi saméméh diawurkeun pupuk kandang téh dicampur heula jeung kapur pertanian anu babandinganana 10:1[7].
  • Tuluy, bibit anu umurna 6 bulan,jangkungna 40 cm dipelakeun dina liang anu geus disadiakeun[7].Pilih bibit anu hadé anu bisa dicirikeun ku warna daunna nu héjo [7]. Sangkan hasilna optimal usahakeun maké pola tanam ganda[7].
  • Bibit dipelak kalawan jarak dina sajajarna 40 cm x 50 cm[7]. pikeun ngababarikeun ngurus jeung panén, jarak unggal baris ganas téh 1 m[7]. Jarak melak dijieun anggang sangkan persaingan nyerep unsur hara teu kajadian[7].
  • Sanggeus tilu bulan, dipupuk deui ku Urea, TSP, jeung KCl[7]. Dosisna 20 gr-25 gr per tatangkalan maké babandingan 2:1:1[7]. Lamun maké pupuk NPK lengkep ganas si maduna bisa nepi ka 90%, tapi lamun teu maké KCl ngan ukur 20-30%[7].
  • Dua bulan sabada mupuk mimiti, dibéré pupuk susulan anu jenis, dosis, jeung babandingana sarua jeung nu mimiti[7]. Nalika ganas geus umur 6-8 bulan,pembungaan dirempegkeun ku cara nyemprotkeun zat anu ngatur tumuwuhna anu eusina bahan aktif ethephon(2-chloroethylphosphonic acid)anu lobana 2 cc tuluy dicampurkeun jeung cai 1L[7]. unggal tatangkalan dibéré dosis 20-25 ml[7].
  • Biasana 6-7 bulan sabada diétrélan ganas geus asak jeung geus bisa diala[7].

Buah ganas anu asak rasana kareueut nu miboga kadar air 40%-50% kalawan tingkat amisna 150-170 briks[7].

Khasiat Ganas Madu

édit

Ganas biasana dipercaya jadi bungbuahan anu ngajadikeun keputihan ka awéwé nu matak awéwé loba nu teu resep kana ganas, tapi numutkeun kana hasil panalungtikan mah dina jero ganas téh aya antioksidan jeung fitokimia anu miboga khasiat pikeun ngungkulan kokoloteun, ambéyen, kanker, jantung jeung ngaleungitkeun stres[8]. Salaku sumber antioksidan, ganas miboga kandungan vitamin C jeung vitamin A (retinol) anu masing-masing gedéna 24,0 miligram jeung 39 miligram dina 100 gram[8]. Vitamin-vitamin éta geus lila dipikawanoh salaku antioksidan anu mampuh ngajaga awak tina rupa-rupa panyakit kawas anu geus disebutkeun tadi[8]. Antioksidan éta mampuh ngahalangan oksidasi molekulel target anu bisa geureunkeun réaksi tuluy-tinuluy ngawangun radikal bébas dina awak urang anu dianggap provokator tina rupa-rupa panyakit[8]. Hasil panalungtikan ilmiah nétélakeun yén zat fenolik di antarana myricetin, quercitin, tyramine, jeung ferulic acid[8].Ganas mampu ngungkulan réaksi radikal bébas dina awak anu tungtungna nepi ka bisa ngaminimalisir panyakit kangker[8]. Hal anu sarupa dipigawé ku vitamin antioksidan-asam askorbat dan betakarotenoid anu bisa nganormalkeun membran sel lensa (panon) jeung ngajaga konsentrasi glutation tereduksi[8].Bromelin Anu sacara alami aya dina ganas bisa ngagancangkeun penyembuhan urut operasi sarta pembengkakan jeung teu ngareunah awak[8]. pikeun anu boga panyakit ambeyen diusahakeun ngadahar ganas 4-5 kali sapoé ku sabab bromelinna bisa ngeureunkeun pendarahan jeung serat anu aya dina ganasna bisa ngalancarkeun kabeuratan[8]. Nyinglarkeun stréss numutkeun Wen jeung Wrolstad ti Jurusan Ilmu dan Teknologi Pangan, Oregon State University (2002) ngalaporkeun sari ganas téh ngawengku serotonin kira-kira 1,7 miligram-3,15 miligram/100 gram[8]. Serotonin lian ti nyingkahan kangker ogé bisa ngaleungitkeun stress ku sabab sacara filogénétik nyaéta neutrotransmitter primitif anu boga fungsi pikeun nyambungkeun kadaharan jeung otak[8].Supaya awak bisa kuat nyanghareupan stréss anu sering karandapan dina kahirupan urang boh di kantor atawa di kulawarga, urang kudu ngadahar serotonin dina awak[8].Lamun urang leuwih rajin ngadahar ganas, awak urang bisa leuwih awét ngora jeung bisa nyinglarkeun tina panyakit anu euweuh pakuat-pakaitna jeung kokoloteun kayaning stréss, kangker jeung jantung koronér[8].

Rujukan

édit
  1. ↑ Definisi Nanas 17 September 2011
  2. ↑ a b c d e Inilah Kandungan Pada Nanas Simadu Subang[tumbu nonaktif]
  3. ↑ a b Nanas Si Madu, Manis Tapi Sulit Ditemukan[tumbu nonaktif] 19 September 2011
  4. ↑ a b c d e [Teguh Meinanda, SUBANG Menuju Masa Depan]
  5. ↑ a b c d e f Manisnya Nanas Si Ma Hu[tumbu nonaktif] 2 Oktober 2011
  6. ↑ MEMBUAT DODOL NENAS SECARA SEDERHANA (ENAK, KENYAL DAN TAHAN TENGIK) Archived 2011-08-16 di Wayback Machine 26 september 2011
  7. ↑ a b c d e f g h i j k l m n o p q r s t Nanas “Si Madu”, Manis Rasa dan Rezekinya 2 Oktober
  8. ↑ a b c d e f g h i j k l m Manfaat Nanas Archived 2011-11-03 di Wayback Machine 3 Oktober 2011
Dicomot ti "https://su.wikipedia.org/w/index.php?title=Ganas_Madu&oldid=668690"