Kanyéré
| Kanyéré | |
|---|---|
| |
| Daun jeung buah kanyéré | |
| Klasifikasi ilmiah | |
| Karajaan: | |
| Ordo: | |
| Kulawarga: | |
| Tribus: | |
| Génus: | |
| Spésiés: | B. stipularis
|
| Ngaran binomial | |
| Bridelia stipularis (L.) Blume
| |
| Sinonim | |
| |
Kanyéré (Bridelia stipularis) nyaéta hiji tangkal anu asalna tina genus Bridelia.[1] [2] Jangkungna bisa nepi ka 8–20 méter anu hirup di daérah tropis jeung subtropis di sisi basisir.[2][3] Daunna bisa dimangpaatkeun pikeun ubar nyeri beuteung.[3] Tangkal kanyéré asalna tina kulawarga Phyllanthaceae.[2]
Pedaran
éditTangkal kanyéré mibanda sababaraha rupa spésiés di antarana :
- Bridelia insulana (Sinonim : Bridelia minutiflora, Bridelia penagiana, Bridelia subnuda)
- Bridelia stipularis
- Bridelia tomentosa (sinonim : Bridelia glabrifolia; Bridelia lancifolia; Bridelia monoicis).[3]
Kanyéré mibanda ngaran daérah/vernakular saperti di Malaysia disebut kenidai, kenidai babi, cenderai gajah, samak jambu.[3] Di Indonésia mah kanyéré téh katelah Kandri kebo, kanyéré aroi, koto-koto, jeung kutu kebo.[3]
Ciri mandiri
éditTangkal kanyéré bisa hirup nepi ka jangkung 18 méter tur mibanda buleudan tangkal nepi ka 9 méter.[3] Kai tangkal kanyéré mah sanajan teuas tapi leuleus tur liat.[4] [5] Kapanggih hirup di Malaysia, Vietnam, ogé Thailand.[4] Daunna lonyod kelirna héjo, méncos ka tungtungna ukuran 12 cm x 6.2 cm pucuk daun anu kakara bijil kelirna gandaria.[4] Buah laleutik kelirna héjo hérang bijil sapasang tina tangkal deukeut cupat daun, cupat kembangna parondok, panjang kembang ngan 1 mm, benang sari nyelap leutik di jerona, kelirna semu héjo tur di luhurna semu gandaria.[6] Buahna leutik,lonyod tingtungna méncos.[4]
Kagunaan
éditDitempo dina farmakologisna tina ieu genus geus ditalungtik sanajan tacan dipaluruh leuwih jero, mibanda sipat antiinflamasi, antimikroba.[4] Tapi dalah ti kitu ieu tangkal geus heubeul dimangpaatkeun pikeun ubar herbal anu mibanda rupa-rupa kagunaan.[7] Di India ieu tangkal ngahaja dipelak anu dimangpaatkeun pikeun meresihan huntu ogé ngubaran rupa-rupa panyakit séjénna anu aya disabudeureun baham.[7] Daunna ogé bisa digodog tuluy diinum caina bisa dimangpaatkeun pikeun ngubaran kasakit mah (maag) atawa nyeuri beuteung.[4] Pikeun ubar luar daunna bisa dibebek nepi ka lembut tuluy ditaplokeun kana reheut atawa bareuh,[4] akarna bisa digodog tuluy diinum caina pikeun ubar nyareri awak atawa cararangkeul.[4] Baheula mah buah kanyéré téh dipaké kaulinan barudak, pikeun pélor susumpitan anu dijieun tina awi atawa tamiang gedéna mah kurang leuwih sagedé curuk atawa patlot panjangna sabuku.[8] Dipaké ogé pikeun pélor pepeletokan anu dijieun tina solobong awi.[8]
- Kanyéré
-
Tangkal kanyéré -
Buah daun jeung tangkal -
Pucuk daun -
Buah kanyéré haréjo -
Kembang
.jpg)
.jpg)
Tutumbu kaluar
édit- Gambar Archived 2017-05-11 di Wayback Machine
- Tangkal Kanyéré
- "Bridelia stipularis: a new source for anthocyanin production in vitro". Acta Physiologiae Plantarum 33: 2051–2056. doi:10.1007/s11738-011-0735-7. http://link.springer.com/article/10.1007%2Fs11738-011-0735-7?LI=true#page-1.
Daftar pustaka
édit- Quattrocchi, Umberto (April 2016). CRC World Dictionary of Medicinal and Poisonous Plants: Common Names, Scientific Names, Eponyms, Synonyms, and Etymology. CRC Press. ISBN 978-1-4822-5064-0.
- Hefner, ScholarlyEditions (2012). Biological Pigments—Advances in Research and Application. ScholarlyEditions. ISBN 978-1-464-99135-6.
Dicutat tina
édit- ↑ Jonathan, Rigg (1862). A Dictionary of the Sunda Language of Java. Universitas Harvard: Bataviaasch Genootschap van Kunsten en Wetenschappen.
- ↑ a b c "Bridelia stipularis". theplantlist. 2013. Diakses tanggal 2017-05-15. Archived 2020-07-28 di Wayback Machine
- ↑ a b c d e f Ong, Hean Chooi; EDITOR KADUA (2006), Tumbuhan liar: khasiat ubatan & kegunaan lain, PRIN-AD SDN.BHD, ISBN 967-61-1630-0
- ↑ a b c d e f g h Wiart, Christophe (2006). Medicinal Plants of the Asia-Pacific: Drugs for the Future?. London: World Scientific Publishing Co. Pte. Ltd. ISBN 981-256-341-5.
- ↑ Jonathan Rigg (1862). "Dictionary". Sunda Language. Batavia: Lange & CO. p. 217.
- ↑ R., Carl (2000). Ilocano Dictionary and Grammar: Ilocano-English, English-Ilocano. London: World Scientific Publishing Co. Pte. Ltd. ISBN 0-8248-2088-6.
- ↑ a b Sachidananda Mallya; Sudeendra Prabhu, Maji Jose, Shrikara Mallya. "Anticandidal effect of extract of Bridelia stipularis". Anticandidal effect of extract of Bridelia stipularis 1 (9): 106-107. ISSN 2350-045x. http://www.jimd.in/uploaded/volumes/Bridelia_stipularis2.pdf. Diakses pada 2017-14-05.
- ↑ a b Muchtar Affandi (R.) (1997). "Mulangkeun Panineungan". Mulangkeun Panineungan. London: Padjajaran University]]. p. 17.
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |