Munisipalitas Kristinehamn
Munisipalitas Kristinehamn nyaéta salah sahiji munisipalitas di Swédia nu aya di Counti Värmland, di beulah kulon tengah Swédia. Ibukotana di kota Kristinehamn, pangeusina 18,000 urang, luhur kotana 67 méter. Kota nu leuwih leutikna nyaéta Björneborg, Bäckhammar, Nybble jeung Ölme.
Munisipalitas Kristinehamn Kristinehamns kommun | ||
|---|---|---|
| ||
 | ||
| Nagara | Swédia | |
| County | County Värmland | |
| Tempat | Kristinehamn | |
| Lega | ||
| • Total | 1.384,44 km2 (53,454 sq mi) | |
| • Taneuh | 753,12 km2 (29,078 sq mi) | |
| • Cai | 631,32 km2 (24,375 sq mi) | |
| Area as of January 1, 2014. | ||
| Pangeusi (December 31, 2014)[2] | ||
| • Total | 24.114 | |
| • Kapadetan | 0,17/km2 (0,45/sq mi) | |
| Zona wanci | UTC+1 (CET) | |
| • Usum Panas (DST) | UTC+2 (CEST) | |
| Kode ISO 3166 | SE | |
| Propinsi | Värmland | |
| Kodeu munisipalitas | 1781 | |
| Ramatloka | www.kristinehamn.se | |
Géografi
éditKristinehamn aya di sabudeureun situ Vänern. Persisna, Kristinehamn aya di hiji tempat di mana walunganVarnan jeung walungan Löt ngamuara kana situ.
Kristinehamn mibanda palabuan nu jadi puseur angkutan karéta api jeung mobil.
Kota nu deukeuteunnana nyaéta Karlskoga jeung Karlstad nu aya di tengah-tengah Oslo, Stockholm jeung Göteborg kalayan jarak 250 km ka masing-masingna.
Sajarah
édit
Lokasi ieu geus dicicingan mangabad-abad lilana, sahanteuna ti saprak jaman batu mula. Kota ieu satuluyna diwangun sapanjang sasak di saluhureun walungan Varnan. Harita ngaranna Broo (atawa Bro) nepi ka 1642, tur "Bro" téh harti tarjamahna "Sasak" dina basa Swédia.
Kristinehamn meunang Royal Charter munggaran taun 1582 tapi leupas deui taun 1584, sarta meunang deui taun 1642, tur ngaganti ngaranna pikeun panghormatan raja Ratu Christina ti Swédia. Satuluyna kota ieu jadi salah sahiji kota bersejarah di Swédia. Kalengkepan kota dirancang maké bojort, nu mangrupa kapal Walanda nu digunakeun dina abad ka-17.
Kaayaan kota
édit
Kristinehamn dieusian ku pangeusi asli urang Swédia, katambahan ku pendatang ti Turki, India, Muangthai, Cina, Koréa jeung lian-lianna. Dina usum tiis (salju) ti Désember nepikeun ka Maret, Kristinehamn kacida sepina. Hawana bisa nepikeun ka -20-an darajat Célsius. Ti usum semi, komo panas mah, mulai loba pangeusi nu pasuliwer di sabudeureun kota.
Wangunan-wangunan di Kristinehamn saperti ilaharna wangunan di Swédia, loba nu dijieun tina kayu. Wangunannana ararantik, has wangunan Éropa.
Transportasi
éditDi Kristinehamn, lolobana pangeusina miboga mobil sorangan. Pikeun transportasi umum, aya beus nu ngurilingan kota (Swebus). Beus ogé mangrupa transportasi umum pikeun ka kota sabudeureunnana saperti Karlstad, Karlskoga, jeung lianna. Pikeun jarak jauh saperti ka Stockholm (250 km), bisa ngagunakeun karéta api.
Tempat nu menarik
édit
- Di basisir situ Vänern ngadeg 15 méter patung Pablo Picasso ti taun 1965.
- Batu runik pangkunona di county Värmland nu aya di Järsberg, kurang leuwih 1 km saluareun kota, nu asalna tina 500 SM. Tarjamah pangpandeurina tina runik ieu dijieun ku Sven B F Jansson. Cutatannana: "Ngaran kuring "Ljuv". Ngaran kuring "Ravn". Kuring "Eril" nu nyieun runik ieu". Mutiara ti jaman harita ogé kapanggih di wewengkon ieu.
- Pulo abad panengah Saxholmen, ayana di kapuloan Kristinehamn nu éndah. Geus aya sababaraha penggalian arkéologis di pulo ieu salila sababaraha tun katukang. Aya mitos di Saxholmen yén Saxe av Sachsen nu bengis jeung pinuh ku kacua kungsi hirup di pulo ieu jeung pamajikan sarta pelayanna. Pamajikannana katarik ati ku kabogohna.
- Garéja Kristinehamn dirancang ku Profésor C.G Brunius sarta munggaran dibuka taun 1858. Garéja ieu ogé mibanda musieum dina galeri sanctuary nu perlu ditempo sabab arsitékturna kacida unik tur mangrupa katedral hiji-hijina di County Värmland.
- Kapel Östervik nyaéta hiji garéja leutik nu unik nu mibanda sajarah jeung arsitéktur nu narik.
- Folk muséum, imah cét beureum nu dijieun tina kai, nyuruwukna cai, katut domba mangrupa sawangan nu éndah. Lundbomsgården mangrupa hiji imah kelas panengah ti abad ka-19, panggilingan ti abad ka-17 awal.
- Imah Värmlands Säby Manor boga tipikal kualitas abad ka-18 kalayan kompor ubin katut permadani nu diecét. Aya ogé jajaring pager unik nu ngawengku 1747 semak.
Tumbu luar
édit- Kristinehamn - Loka resmi
- Layanan Informasi Kristinehamn Archived 2018-03-24 di Wayback Machine
- (basa Swédia) Artikel Kristinehamn ti Nordisk familjebok
| Munisipalitas di County Värmland |
| Arvika | Eda | Filipstad | Forshaga | Grums | Hagfors | Hammarö | Karlstad | Kil | Kristinehamn | Munkfors | Storfors | Sunne | Säffle | Torsby | Årjäng |
| County di Swédia | Swédia |
Munisipalitas Kristinehamn nyaéta salasahiji tina 134 kota kalayan Status kota di Swédia nu bersejarah. - ↑ "Statistiska centralbyrån, Kommunarealer den 1 januari 2014" (Microsoft Excel) (dalam Swedish). Statistics Sweden. Diakses tanggal 2014-04-18.
- ↑ "Folkmängd i riket, län och kommuner 31 december 2014" (dalam Swedish). Statistics Sweden. Diakses tanggal March 2015.