Basuki Abdullah
Basuki Abdullah nyaéta salah sahiji seniman dina widang seni lukis.[1] Lahir di Surakarta Jawa Tengah tanggal 25 Januari 1915, tilar dunya tanggal 5 Nopember 1993 dina umurna nu ka 78 taun.[2] Basuki kasohor nyekel seni lukis aliran réalis jeung naturalis.[2] Kungsi diangkat jadi tukang ngalukis di Istana Merdeka Jakarta.[2] Bakatna dina widang ngalukis diturunkeun ti bapana Abdullah Suryosubro, sedengkeun akina nyaéta tokoh Pergerakan Kebangkitan Nasional Indonesia dina awal taun 1900-an nyaéta Doktor Wahidin Sudirohusodo.[1]
Ti mimiti umur 4 taun, Basuki Abdullah geus resep ngalukis sawatara tokoh nu kasohor kayaning Mahatma Gandhi, Rabindranath Tagore, Yesus Kristus jeung Krishnamurti.[1] Atikan formalna di HIS Katolik sarta Mulo Katolik di Solo.[2] Taun 1993, Abdullah meunang béasiswa ka Academie Voor Beeldende Kunsten di Den Haag Belanda.[2] Basuki Abdullah nganggeuskeun sakolana dina waktu 3 taun kalawan meunang Sertifikat Royal International of Art (RIA).[2]
Nalika pamaréntahan Jepang, Basuki Abdullah ngagabung jeung Gerakan Poetra sarta meunang tugas salaku guru seni lukis.[2] Murid-muridna nyaéta Kusnadi (pelukis jeung kritikus seni rupa Indonesia) sarta Zaini (pelukis impresionisme).[2] Salian aktip di Poetra, Abdullah ogé aktip di Keimin Bunka Sidhosjo ( puseur kabudayaan milik pamaréntah Jepang) bareng jeung Affandi, S. Sudjoyono, Otto Djaya jeung Basoeki Resobawo.[2]
Tanggal 6 September 1948, Basuki Abdullah meunangkeun sayembara ngalukis nu diayakeun di Amsterdam, Belanda.[2]
Dina taun 1996 lukisan “Balinese Beauty” karya Basoeki Abdullah kajual di tempat pelelangan Christie’s di Singapura.[2] ti saprak harita, Basuki Abdullah kasohor jadi putra Indonésia nu mawa seungit ngaran Indonésia ka sakuliah dunya.[2] Basuki Abdullah mindeng ngayakeun paméran tunggal boh di Indonésia boh di saluareun Indonésia.[2] Karya-karyana kungsi ditingalikeun di Bangkok (Thailand), Malaysia, Jepang, Belanda, Inggris, Portugal jeung nagara-nagara lianna.[2]
Referensi
édit
|
Artikel ngeunaan biografi inohong Indonésia ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |