Taman Nasional Redwood

Taman Nasional Redwood nyaéta taman nasional anu perenahna di California, Amérika Sarikat. saperti ngaranna, Redwood, anu hartina kai beureum mangrupa cicirén has tempat ieu. Taman Nasional ieu kawentar ku tatangkalanana anu jangkung pisan, malahan mah pangjangkungna di sakuliah dunya.[3][4]

Taman Nsional Redwood
IUCN Kategori V (Lanskap Darat/Laut Lindung)
Redwood National Park, fog in the forest.jpg
Kabut di leuweung
Peta memperlihatkan letak Taman Nsional Redwood
Lokasi Taman Nasional Redwood di Amérika Sarikat
LokasiHumboldt County jeung Del Norte County, California, Amérika Sarikat
Kota pangdeukeutnaKota Crescent
Lega138.999 acres (0.56251 km2)[1]
Diadegkeun2 Oktober 1968
Nu nganjangan482.536 (tahun 2018)[2]
Pihak nu ngokolakeunNational Park Service jeung California Department of Parks and Recreation
RamatlokaLoka resmi
Loka Warisan Dunya UNESCO
KritériaCitakan:UNESCO WHS type(vii), (ix)
Rujukan134
Inskripsi1980 (4 Session)
Peta Taman Nasional Redwood
Tangkal kai beureum anu kawentar ku jangkungna

SajarahÉdit

Pangeusi pituin basisir kalér California geus nyicingan leuweung ieu salila mangrébu-rébu taun. Saacan urang Éropa datang, urang Indian tuluy adaptasi jeung lingkungan ieu, ngaluyukeun basa, budaya, jeung adat istiadat anu nyababkeun kondisi lingkungan ieu kajaga.[5]

Sumber kadaharan anu penting pikeun pangeusi pituin di antarana aya uncal, lauk nu asalna boh ti laut atawa ti walungan, kakacangan, béri, jeung sisikian. Maranéhna moro ku cara tradisional.[5]

Imah-imah tradisional orang Indian di dieu biasana diwangun tina papan kai beureum anu geus rubuh. Imah-imah ieu diwangun di luhureun lobang anu dikali di handapeun wangunan, kalawan rohang di antara lobang jeung dingding ngabentuk bangku alami. Imah dianggap ku maranéhna minangka mahluk hirup, sedengkeun kai beureum anu dibentuk jadi papan dianggap minangka mahluk roh. Mahluk roh dianggap minangka ras ilahi anu aya saacan jelema aya di tempat ieu.[5]

Ti saprak emas kapanggih di Walungan Trinity California Kulon di taun 1850, loba jelema anu parindah ka tempat ieu. Maranéhna maksa urang Indian pikeun indit ti tempat ieu, urang Indian diperkosa, tuluy dijadikeun budak. Urang Indian anu ngalawan tuluy ditelasan. Unit-unit milisi dipancénan pikeun nelasan urang Indian anu ngalawan, nyerang désa-désa séjén, loba lalaki, awéwé, jeung orok anu ditelasan. Saenggeus maranéhna balik, anu nelasan éta diagung-agung saperti pahlawan, tuluy dibayar ku pamaréntah nagara bagian.[5]

Di taun 1853, ku sabab urang Éropa kagiur pisan ku lobana tangkal kai beureum anu kawentar kuat jeung tahan lama, salapan pabrik pangolahan kai diadegkeun di Eureka, hiji kota tambang emas.Tatagkalan anu dituar tutuluyan nyababkeun jumlah tangkal nurun drastis.[5]

Di abad ka-20, saluyu jeung kamekaran téhnologi, prosés pikeun nuar tatangkalan jadi maké alat anu leuwih modéren jeung éfisién. Alat transportasina pikeun ngangkut kaina gé jadi leuwih modéren, tinu asalna ku kuda jadi ku karéta api.[5]

Di taun 1910-an, mimiti loba warga anu paduli kana lingkungan tempat ieu. Save the Redwoods League diadegkeun, sarta ngahasilkeun kawijakan pikeun ngabentuk Taman Nagara Bagian Jeddiah Smith, Taman Nagara Bagian Del Norte Coast, jeung Taman Nagara Prairie Creek Redwood.[5]

Sanajan kitu, tatangkalan sok dituaran baé di tanah pribadi, hal éta diperparah ku Perang Dunya II jeung ledakan ékonomi di taun 1950-an. Di taun 1960-an, 90 persén tangkal kai béak lantaran dituaran baé. Kakara di taun 1968 Taman Nasional Redwood diadegkeun, anu ngamankeun sésa tatangkalan anu can dituar. Tuluy di taun 1978, hasil kongrés ngasupkeun tanah anu leuwih lega ka taman nasional, ngawengku bagian Redwood Creek anu dituaran. Kiwari tanah ieu keur diréstorasi gedé-gedéan ku pihak anu ngokolakeun sumber daya taman. Tatangkalan dituar terus lumangsung di aréa pribadi deukeut taman nasional ieu.[5]

SasatoanÉdit

AvésÉdit

Kira-kira aya 280 spésiés manuk anu geus dicatet di Taman Nasional Redwood, sedengkeun kabéhanana aya 800 spésiés manuk di Amérika Sarikat. Hartina, kira-kira aya hiji per tilu spésiés manuk AS anu aya di ieu taman nasional.[6]

Spésiés manuk di taman nasional ieu cicing di habitat anu béda-béda. Aya nu di leuweung konifér, saperti bueuk jeung woodpecker, aya ogé anu cicingna di leuweung ék jeung tegalan, saperti élang buntut beureum (Buteo jamaicensis) jeung western bluebird (Sialia mexican). Tuluy, aya nu di leuweung riparian jeung arus walungan, saperti American dipper (Cinclus mexicanus) jeung yellow warbler (Setophaga petchia). Aya nu di muhara jeung lahan baseuh (bald eagles (Haliaeetus leucocephalus), osprey (Pandion haliaeus), peregrine falcons (Falco peregrinus) jeung belted kingfisher (Meaceryle alcyon)), aya nu di basisir (bango beureum California), sarta nu panungtung aya anu di laut (pigeon guillemots).[6]

PiscesÉdit

Di Taman Nasional Redwood, aya Samudra Pasifik di beulah kulon, tuluy aya ogé dua walungan gedé, tilu anak walungan, sarta loba balong jeung laguna anu ngarojong pisan kana kahirupan lauk. Kacatetkeun aya 188 spésiés lauk anu aya.[7]

Lauk asli anu kawentar nyaéta salmon jeung lauk forél. Lolobana sok aya di laut, ngan maranéhna sok ka walungan nalika usum mijah, tuluy ngendog di dinya.[7]

MamaliaÉdit

Di dieu, urang bisa ningali mamalia di dua alam nu béda, di darat jeung di laut. Di laut, urang bisa ningali pinniped (anjing laut jeung singa laut) jeung cetacea (paus jeung lumba-lumba). Spésiés pinniped anu aya di antarana anjin laut palabuan (Phoca vitulina), singa laut California (Zalophus californianus), singa laut steller (Eumetopius jubatus), jeung gajah laut kalér (Mirounga angustirostris). Sedengkeun, spésiés cetacea diantarana aya paus abu (Eschrichtius robustus), paus bongkok (Megaptera novaeangliae), paus killer (Orcinus orca), jeung lumba-lumba palabuan (Phocoena phocoena).[8]

Di darat, aya kira-kira 66 spésiés mamalia, kaasup 13 spésiés kalong jeung hiji spésiés opossum Virginia. Ti mimiti beurit anu pangleutikna, nepi ka uncal Roosevelt anu pangbadagna, aya di dieu. Mamalia ieu biasana cicing di taman nasional ieu, teu kamamana deui, iwal ti kalong anu cicing di taman ngan pas keur usum kawin atawa salila migrasi.[9]

TutuwuhanÉdit

Di Taman Nasional Redwood, tutuwuhan anu kawentar sarta anu jadi objék utama pikeun wisatawan nyaéta tangkal kai beureum (redwood) anu pohara jangkungna. Malahan mah jadi tangkal pangjangkungna di sakuliah dunya. Tapi, tangkal kai beureum mangrupa hiji ti loba spésiés tutuwuhan anu aya di dieu. Jinisna bervariasi, gumantung kana habitat jeung kaaayaan alam. Tangtuna tutuwuhan anu aya di basisir béda jeung anu tumuwuh di daratan anu leuwih luhur. Sanajan kitu, tangkal kai beureum angger jadi "maskot" utama taman nasional ieu.[10]

GalériÉdit

Tingali ogéÉdit

Taman nasional

RujukanÉdit

  1. National Park Service, Land Resources Division (December 31, 2018), Listing of Acreage (PDF), diarsipkan dari versi asli (PDF) tanggal May 15, 2019, diakses tanggal May 15, 2019  .
  2. "NPS Annual Recreation Visits Report". National Park Service. Diakses tanggal 2019-03-11. 
  3. City, Mailing Address: 1111 Second Street Crescent; Us, CA 95531 Phone:464-6101 Contact. "Redwood National and State Parks (U.S. National Park Service)". www.nps.gov. Diakses tanggal 2019-12-18. 
  4. "Everything to know about Redwood National and State Parks". Travel. Diakses tanggal 2019-12-18. 
  5. a b c d e f g h City, Mailing Address: 1111 Second Street Crescent; Us, CA 95531 Phone:464-6101 Contact. "Area History - Redwood National and State Parks (U.S. National Park Service)". www.nps.gov. Diakses tanggal 2019-12-18. 
  6. a b City, Mailing Address: 1111 Second Street Crescent; Us, CA 95531 Phone:464-6101 Contact. "Birds - Redwood National and State Parks (U.S. National Park Service)". www.nps.gov. Diakses tanggal 2019-12-18. 
  7. a b City, Mailing Address: 1111 Second Street Crescent; Us, CA 95531 Phone:464-6101 Contact. "Fish - Redwood National and State Parks (U.S. National Park Service)". www.nps.gov. Diakses tanggal 2019-12-18. 
  8. City, Mailing Address: 1111 Second Street Crescent; Us, CA 95531 Phone:464-6101 Contact. "Marine Mammals - Redwood National and State Parks (U.S. National Park Service)". www.nps.gov. Diakses tanggal 2019-12-18. 
  9. City, Mailing Address: 1111 Second Street Crescent; Us, CA 95531 Phone:464-6101 Contact. "Land Mammals - Redwood National and State Parks (U.S. National Park Service)". www.nps.gov. Diakses tanggal 2019-12-18. 
  10. City, Mailing Address: 1111 Second Street Crescent; Us, CA 95531 Phone:464-6101 Contact. "Plants - Redwood National and State Parks (U.S. National Park Service)". www.nps.gov. Diakses tanggal 2019-12-18.