Wikipédia

Étti R.S.

Étti Rochaeti Soetisna atawa leuwih kasohor ku sebutan Étti R.S, salah sahiji sastrawan Sunda.[1] Lahir di Ciamis tanggal 31 Agustus 1958.[2] Ti leuleutik geus resep kana dongéng Sunda jeung sok remen maca sastra Sunda.[2] Nalika Étti jadi pinunujul ngarang tingkat SMA sa-kabupaten Ciamis, anjeunna mimiti kairut kana dunya nulis.[2] Lantaran éta atikanana dituluykeun ka Fakultas Sastra Universitas Padjadjaran (Unpad).[2]
Saméméh digawé di Dinas Pariwisata Kota Bandung bari ngasuh rubrik PR Kecil HU Pikiran Rakyat, Étti kungsi jadi guru SMP LPPMRI (1978-1979), SDN Cihaurgeulis V (1978-1989) jeung SMP Yayasan Atikan Sunda (1978-1980).[2] Taun 1997 Étti nulis tésis hasil panalungtikan filologina dina naskah Sunda Kuno “Batara Kala”.[1] Salila tilu périodeu, Étti kapilih jadi Pupuhu Paguyuban Panglawungan Sastra Sunda (PP-SS).[2] Salian ti éta, Étti ogé kungsi meunang panglélér Hadiah Sastra LBSS jeung Hadiah Sastra Rancagé keur buku kumpulan sajakna Maung Bayangan.[2] Étti ogé kaasup salah saurang tina 16 wanoja nu kasinugrahan, Honorary Police atawa Polisi Kehormatan ti Kapolwil Priangan, Kombes Pol Anton Charliyan, MPKn.[3]

Étti R S
Étti R S
Étti R S
Gumelar31 Agustus 1958
Ciamis
PagawéanPangarang
KabangsaanIndonésia
GénréSajak, dangding

Karya-karyana

édit

Sajak-sajakna aya nu geus medal dina wangun buku di antarana:[2]

  1. Jamparing (1984)
  2. Gondéwa (1987)
  3. Maung Bayangan (1995)
  4. Lagu Hujan Silantang (2003).[2]

Dina taun 1996, karya dangdingna kapilih jadi pinunjul 1 dina pasanggiri nulis dangding tingkat Jawa Barat.[2] Sawatara sajakna ngébréhkeun situasi tragis diri dina ngahontal tujuan ahirna.[1]
salah sahiji Sajak Étti:[1]

Maung Bayangan
Kuring maung bayangan!
diboro lantaran sérong
diburu lantaran pamuk
sérong ciciptaan nu lohong
pamuk lantaran dirucuk
da puguh jaman durjana
Kuring maung bayangan!
ringkang didodoho maot
rénghap diintip ku pati
hayang ngider méméh jengker
ngaranjah saacan ajal
bari tigin pikeun Gusti

Referensi

édit
  1. ↑ a b c d Etti Archived 2016-03-04 di Wayback Machine (Diakses tanggal 4 Nopember 2011) (en)
  2. ↑ a b c d e f g h i j Etti R S Archived 2011-12-19 di Wayback Machine (Diakses tanggal 4 Nopember 2011) (id)
  3. ↑ Honorary Police (Diakses tanggal 4 Nopember 2011)


  Artikel ngeunaan biografi inohong ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.
Dicomot ti "https://su.wikipedia.org/w/index.php?title=Étti_R.S.&oldid=655122"