Wikipédia

Ahmadun Yosi Herfanda

Ahmadun Yosi Herfanda atawa leuwih kasohor ku sebutan Ahmadun Y. Herfanda atawa Ahmadun YH nyaéta salah sahiji sastrawan Indonesia (gumelar di Kaliwungu, Kabupatén Kendal Jawa Tengah, 17 Januari 1958; umur 66 taun).[1] Ahmadun katelah ku karya puisi, cerpén, jeung éséi nu dipublikasikeun di sawatara média sastra jeung antologi puisi nu medal di jero jeung luar nagri. Salah sahiji karya Ahmadun anu katelah nyaéta "Sebutir Kepala dan Seekor Kucing" anu jandi salah sahiji pangélér dina sayembara di Walanda.

Chairil Anwar
Ahmadun Yosi Herfanda dina salah sahiji acara
Ahmadun Yosi Herfanda dina salah sahiji acara
Gumelar17 Januari 1958
Indonésia, Kendal, Jawa Tengah
Pagawéansastrawan
KabangsaanFlag of Indonésia Indonésia
Karya nu katelah"Sebutir Kepala dan Seekor Kucing"

Biografi

édit

Ahmadun dilahirkeun di Kendal, 17 Januari 1958. Di taun 1986, Ahmadun ngalajengkeun studi sastra na di Jurusan Pendidikan Bahasa dan Sastra FPBS IKIP Yogyakarta. Di taun 2004, manéhna ngalanjutkeun studi di S2 Magister Teknologi Informasi di Universitas Paramadina, Jakarta. Ahmadun katelah aktif di sababaraha organisasi saperti Pelajar Islam Indonésia, Himpunan Mahasiswa Islam, jeung Ikatan Cendekiawan Muslim Indonésia. Ayeuna Ahmadun jadi redaktur sastra harian di media Republika Jakarta[2].

Nalika jadi mahasiswa Ahmadun geus aktif jadi éditor jeung jurnalis.[3] Dimimitian ti Harian Kedaulatan Rakyat Yogyakarta (1983-1999), Majalah Sarinah (bareng jeung Korrie Layun Rampan, 1992-1993), nu pamungkas di Harian Republika Jakarta (1993-2010).
Sanggeus 17 taun jadi wartawan (kalawan inisial ayh) jeung rédaktur sastra Harian Républika, ti mimiti Maret 2010 Ahmadun leuwih aktif salaku ketua Komite Sastra Dewan Kesenian Jakarta (DKJ) pikeun periode 2010-2013.[3] Alumnus FPBS IKIP Yogyakarta ieu nganggeuskeun S-2 jurusan Magister Teknologi Informasi di Universitas Paramadina Mulia, Jakarta, 2005.[3] Kungsi jadi Ketua III Himpunan Sarjana Kesastraan Indonesia (HISKI, 1993-1995), jeung ketua Presidium Komunitas Sastra Indonesia (KSI, 1999-2002).[3] Taun 2003 bareng jeung cerpenis Hudan Hidayat jeung Maman S Mahayana nyieun Creative Writing Institute (CWI).[3] Taun 2008 dipercaya jadi Ketua Umum Komunitas Sastra Indonésia (KSI).[3] Taun 2010 bareng jeung sajumlahing sastrawan Jakarta nyieun Yayasan Sastra Indonesia.[3]

Karya-karyana ngawengku rupa-rupa wangun tulisan saperti puisi, cerpén, jeung éséi nu dipublikasikeun di sawatara média sastra jeung antologi puisi nu medal di jero jeung luar nagri.[1] Éta média téh di antarana waé Horison, Ulumul Qur'an, Kompas, Media Indonesia, Republika, Bahana (Brunei), antologi puisi Secreets Need Words (Ohio University, A.S., 2001), Waves of Wonder (The International Library of Poetry, Maryland, A.S., 2002), jurnal Indonesia and The Malay World (London, Inggris, Nopember 1998), The Poets’ Chant (The Literary Section, Committee of The Istiqlal Festival II, Jakarta, 1995).[1]
Sajak-sajakna mindeng dibahas dina "Sajak-Sajak Bulan Ini Radio Suara Jerman" (Deutsche Welle).[1] Cerpenna, "Sebutir Kepala dan Seekor Kucing", meunang salah sahiji panglélér dina Sayembara Cerpen Kincir Emas 1988 Radio Nederland (Walanda) tur dibukukeun dina Paradoks Kilas Balik (Radio Nederland, 1989).[1] Taun 1997 Ahmadun meunangkeun panglélér dina Peraduan Puisi Islam MABIMS (forum informal Menteri Agama Brunei, Indonésia, Malaysia, jeung Singapura).[1]

Karya-karyana

édit

Sawatara buku karya Ahmadun nu medal ti mimiti taun 1980-an di antarana:

  1. Ladang Hijau (Eska Publishing, 1980).[1]
  2. Sang Matahari (kumpulan puisi, bareng jeung Ragil Suwarna Pragolapati, Nusa Indah, Ende, 1984).[1]
  3. Syair Istirah (bareng jeung Emha Ainun Nadjib jeung Suminto A. Sayuti, Masyarakat Poetika Indonésia, 1986).[1]
  4. Sajak Penari (kumpulan puisi, Masyarakat Poetika Indonesia, 1990).[1]
  5. Sebelum Tertawa Dilarang (kumpulan cerpen, Balai Pustaka, 1997).[1]
  6. Fragmen-fragmen Kekalahan (kumpulan sajak, Forum Sastra Bandung, 1997).[1]
  7. Sembahyang Rumputan (kumpulan puisi, Bentang Budaya, 1997).[1]
  8. Ciuman Pertama untuk Tuhan (kumpulan puisi, bilingual, Logung Pustaka, 2004).[1]
  9. Sebutir Kepala dan Seekor Kucing (kumpulan cerpen, Bening Publishing, 2004).[1]
  10. Badai Laut Biru (kumpulan cerpen, Senayan Abadi Publishing, 2004).[1]
  11. The Warshipping Grass (kumpulan puisi bilingual, Bening Publishing, 2005).[1]
  12. Resonansi Indonesia (kumpulan sajak sosial, Jakarta Publishing House, 2006).[1]

Referensi

édit
  1. ↑ a b c d e f g h i j k l m n o p q r Herfanda Archived 2006-04-28 di Wayback Machine (Diakses tanggal 15 Nopember 2011) (en)
  2. ↑ "Ahmadun Yosi Herfanda | Badan Pengembangan dan Pembinaan Bahasa, Kementerian Pendidikan dan Kebudayaan". badanbahasa.kemdikbud.go.id. Diakses tanggal 2020-05-12. 
  3. ↑ a b c d e f g Herfanda, Ahmadun Yosi. 2004. Sebutir Kepala dan Seekor Kucing. Jakarta: Bening Publishing. (id)
  Artikel ngeunaan biografi inohong Indonésia ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.
Dicomot ti "https://su.wikipedia.org/w/index.php?title=Ahmadun_Yosi_Herfanda&oldid=649786"