Campursari

Campursari nyaéta salah sahiji istilah pikeun némbongkeun adu manis sora atawa nada tina waditra-waditra tradisional jeung instrumén-instrumén musik modéren ti Kulon, kalawan jalinan-jalinan nada anu harmonis, kawas rebab dikombinasikan jeung piano, biola dipidangkeun jeung kacapi, gitar kalawan suling (tarling). Ilaharna nyampurkeun gamelan pentatonis jeung diatonis. Musik ieu kawentar di Jawa Tengah ogé Jakarta. Upami di daerah Sunda aya campursari gaya Bandung. Didi Kempot salah sahiji vokalis campursari di Solo, Doel Sumbang di Bandung.

Alat édit

Alat musik campursari mangrupa saparangkat gamelan jeung saparangkat orkes. Gamelanna biasana maké laras saléndro. Jenis instrumenna nyaéta kendang Sunda atawa kendang Jawa, goong, kempul, saron, kenong, demung, rebab atawa biola, bonang, sareng gambang. Instrumen orkésna, gitar bass, gitar melodi, tarompet, drum, bongo, kecrek, suling, jeung organ.

Lagu édit

Lagu-lagu campursari biasana modél langgam. Lagu "Kalangkang" salah sahiji lagu campursari Sunda, lagu "Sewu Kuta" campursari Jawa. Lagu-lagu campursari biasa ogé dihaleuangkeun dina pagelaran wayang.

Pintonan édit

Campursari biasana dipintonkeun di luhur panggung anu ditanggap dina hajatan, hajat ngawinkeun, kariaan sunatan, perayaan, kampanye, jeung lain sajabana.

Campursari dumasar wewengkon édit

Campur sari di Sunda édit

Harti séjén ti campur sari nyaéta adu manisna waditra-waditra Sunda tina sagala rupa kelompok, contona kelompok gamelan jeung kelompok kacapi, rebana jeung rebab, degung jeung angklung, jste. Panembang campur sari Sunda di antarana:

Campur sari di Jawa édit

Campursari di Jawa mangrupa salah sahiji pintonan midangkeun lagu Jawa nu mangrupa campuran gamelan Jawa jeung alat musik modéren. Panembang campur sari nu kasohor di Jawa di antarana:

Rujukan édit

Ensiklopedi Sunda: Alam, Manusa, Budaya (Rosidi, dkk: 2000)

Artikel ngeunaan musik ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.