Wikipédia

Ki Umbara

Page Modul:Infobox/styles.css has no content.

Wiredja Ranusulaksana
Gumelar10 Juli 1914
Kuningan
Tilar dunya2005
Ngaran pénaKi Umbara
PagawéanPangarang
KabangsaanIndonésia
GénréCarpon, Novel

Ki Umbara (ngaran sabenerna mah nyaéta Wiredja Ranusulaksana) [1] nyaéta salah saurang sastrawan Sunda. Lahir di désa Bendungan (Kuningan) ping 10 Juli 1914.[1] Taun 1933 tamat ti Normaal School Serang.[1] Taun 1954 lulus ti SGA Bandung.[1] Mimiti ngajar di SD, tuluy ditempatkeun salaku Kepala SMP Muslimin III nepi ka pengsiunna (1971).[1] Sanajan geus pangsiun, Ki Umbara tetep aktip dina widang atikan, saperti aktip kénéh jadi Ketua I Lembaga Pendidikan Muslimin Pusat di Bandung.[1]

Disagigireun éta, Ki Umbara jadi rédaktur Manglé (ti 1963) jeung Pélét (1965-1967.[1] Ki Umbara sok ngarang ti jaman saméméh perang kénéh nalika masih sakola di Serang.[1] Karangan-karanganana sumebar dina majalah Parahiangan, Sipatahoenan, Timbangan, Warga, Majalah Sunda, Langen Sari, Manglé jeung réa-réa deui.[1] Taun 1973 meunang hadiah sastra ti majalah Manglé sarta taun 1967 meunang hadiah ti IKAPI Jawa Barat.[1] Salian ti éta kungsi ogé nyieun naskah sandiwara pikeun TVRI.[1].

Ki Umbara kasohor jadi pangarang nu parigel dina ngagambarkeun suasana batin orang Sunda, boh tinu golongan santri, boh nu masih kénéh percaya kana kakuatan goib.[2] Sanajan dina datana euweuh catetan kungsi mondok di pasantrén, tapi Ki Umbara tapis pisan nalika nyaritakeun carita dina atmosfer pasantrén.[2] Salian ti éta, Ki Umbara ogé kasohor jadi pangarang misteri.[2] Dina karya-karyana urang bisa niténan yén éta carita misteri téh pikeun ngingetan urang yén jalma téh leuwih mulya ti batan jurig atawa siluman.[2]

Karya-karya Ki Umbara

édit

Karya KI Umbara nu geus medal dina wangun buku di antarana nyaéta:

  1. Dewi Sri (1964)
  2. Béja ti Manéhna (1965)
  3. Diwadalkeun ka Siluman (1965)
  4. Teu Tulus Paéh Nundutan (1966)
  5. Pahlawan-pahlawan ti Pasantrén (1966)
  6. Singa Allah (1967)
  7. Kongkorong Béntang (1967)
  8. Maju Jurang Mundur Jungkrang (1967)
  9. Nu Tareuneung (1968)
  10. Si Bedog Panjang (1968).[1]
  11. Si Lamsijan Kaédanan
  12. Utara-Utari

Salian ti karya sastra Sunda, KI Umbara ogé ngarang carita barudak ku basa Indonésia di antarana waé nyaéta:

  1. Dewi Sri (Pustaka Jaya, 1973)
  2. Si Golok Panjang (Pustaka Jaya, 1974)
  3. Dalem Boncel (Pustaka Jaya, 1975).[1]

Referensi

édit
  1. ↑ a b c d e f g h i j k l m Tim Redaksi.2000.Ensiklopedi Sunda Alam, Manusia dan Budaya.Jakarta:Pustaka Jaya dan Yayasan Kebudayaan Rancage
  2. ↑ a b c d Sunda Santai Islam Santai Archived 2011-08-26 di Wayback Machine (Diakses tanggal 13 Oktober 2011)
  Artikel ngeunaan sastra ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.
Daptar Sastrawan Sunda
Aam Amilia • Aan Merdéka Permana • Abdullah Mustappa • Acép Zamzam Noor • Achdiat Karta Mihardja • Adang S • Ayip Rosidi • Ahmad Bakri • Akub Sumarna • Apip Mustapa • Apung Supena Wiratmaja • Arthur S. Nalan • Ayatrohaédi • Béni Setia • Budi Rahayu Tamsyah • Cécép Burdansyah • Dadan Sutisna • Darpan • Dédén Abdul Aziz • Dédy Windyagiri • Dodong Djiwapradja • Duduh Durahman • Dyah Padmini • Eddy D. Iskandar • Elin Syamsuri • Étti R.S. • Godi Suwarna • Hadi AKS • Hasan Wahyu Atmakusumah • Hawé Setiawan • Hérmawan Aksan • Hidayat Suryalaga • Holisoh M.E • Iskandarwassid • Jeihan • Juniarso Ridwan • Karna Yudibrata • Karno Kartadibrata • Ki Umbara • Kis WS • M.A. Salmun • Méméd Sastrahadiprawira • Moch. Ambri • Nanéng Daningsih • Ningrum Djulaéha • Nano. S • Nazarudin Azhar • Popon Saadah • Rahmat M.A.S • Rahmatullah Ading Affandie (RAF) • Ramadhan K.H • Rustandi Kartakusuma • Saéful Badar • Saini K.M. • Sajudin Natadisastra • Samsoedi • S.M. Ardan • Soni Farid Maulana • Sunarya P.K. • Syarif Amin • Tatang Sumarsono • Taufik Faturohman • Téddi Muhtadin • Tini Kartini • Usép Romli • Us Tiarsa • Wahyu Wibisana • Yayat Héndayana • Yooke Tjuparmah • Yoséph Iskandar • Yuhana • Yus Rusamsi • Yus Rusyana
Dicomot ti "https://su.wikipedia.org/w/index.php?title=Ki_Umbara&oldid=657213"