Wikipédia

Godi Suwarna

Godi Suwarna salah sahiji pangarang Sunda nu karyana euyeub pisan, gumelar di Tasikmalaya ping 23 Mei 1956.[1] Ayeuna matuh di Ciamis.[2] Mimiti daria ngarang sajak jeung carpon dina basa Sunda ti mimiti taun 1976 nalika masih kénéh jadi mahasiswa di IKIP Bandung tug nepi ka kiwari.[1] Lian ti ngarang, ogé resep maén sandiwara ti bubudak.[1] Pernah ngilu maén, jadi sutradara sarta nulis lakon di antarana waé dina "Burung-burung Hitam", "Orang-orang Kelam", "Gaok-gaok Geblek" jeung "Gor Gar".[1] Sanggeus kuliah, ngadegkeun grup téater jeung papada mahasiswa IKIP Bandung.[2]

Godi Suwarna
Gumelar23 Mei 1956
Tasikmalaya
PagawéanGuru, Redaktur Surat Kabar Sipatahunan,PNS, Pangarang
KabangsaanIndonésia
GénréCarpon, Sajak, Novel, Drama,
PasanganRahmayati Nila Kusumah

Kungsi jadi Sutradara Terbaik Porseni Mahasiswa Tingkat Nasional (1981).[2] Tuluy ngagabung di STB (Studi Klub Téater Bandung), diajar néater ka Suyatna Anirun.[2] Di STB, kungsi maén “King Lear”, “Sang Naga”, jeung “Impian di Tengah Musim”.[2] Taun 1997, nyutradaraan pagelaran puisi Konglomérat Kéré Lauk di Universitas Wollongong, Australia.[2] Taun 2005, dihiras maca sajak Sunda dina acara Utan Kayu International Literary Biannele, jeung dina acara International Poetry féstival Indonésia 2006 nu dialpukahan ku Dewan Kesenian Jakarta.[2]

Karya-karyana édit

Sajak jeung carponna sababaraha kali dilélér Hadiah Sastra ti LBSS (Lembaga Basa jeung Sastra Sunda), Paguyuban Pasundan, majalah Manglé jrrd.[2] Buku kumpulan sajakna nu geus medal nyaéta Jagat Alit (1979), Surat-surat Kaliwat (1982), Blues Kéré Lauk (1992) jeung Sajak Dongéng Si Ujang (1998).[2] Sajak-sajakna ogé aya nu dikumpulkeun dina buku Antologi Puisi Sunda Mutakhir bareng jeung karya-karya Eddy D. Iskandar, Yoseph Iskandar jeung réa-réa deui.[1]

Ari buku kumpulan carponna nu geus terbit nyaéta Murang-Maring (1980) jeung Serat Sarwasatwa (1995).[2] Buku Blues Kéré Lauk dilélér Hadiah Sastra Rancagé dina taun 1993.[2] Serat Sarwasatwa dilélér Hadiah Sastra Rancagé taun 1996.[2] Naskah novel Sandékala dilélér Hadiah Sastra Daéng Kanduruan Ardiwinata dina taun 1998.[2] Naskah novel Déng dilélér Hadiah Sastra Oeton Moehtar taun 2000.[2] Ti mimiti taun 1998, ngaalpukahan acara Nyiar Lumar, pagelaran rupa-rupa kasenian sapeuting jeput di situs Astana Gedé, Kawali.[2] Teu disangka ti anggalna, éta acara dua taun sakali téh tétéla jadi pangdeugdeugan tatamu ti mana-mana.[2]

Rujukan édit

  1. ↑ a b c d e Godi Suwarna Archived 2011-02-07 di Wayback Machine (Diaksés tanggal 15 Oktober 2011)(id)
  2. ↑ a b c d e f g h i j k l m n o p Suwarna, Godi.2007.Jiwalupat Opat Kumpulan Sajak.Bandung:Geger Sunten


  Artikel ngeunaan sastra ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.


Daptar Sastrawan Sunda
Aam Amilia • Aan Merdéka Permana • Abdullah Mustappa • Acép Zamzam Noor • Achdiat Karta Mihardja • Adang S • Ayip Rosidi • Ahmad Bakri • Akub Sumarna • Apip Mustapa • Apung Supena Wiratmaja • Arthur S. Nalan • Ayatrohaédi • Béni Setia • Budi Rahayu Tamsyah • Cécép Burdansyah • Dadan Sutisna • Darpan • Dédén Abdul Aziz • Dédy Windyagiri • Dodong Djiwapradja • Duduh Durahman • Dyah Padmini • Eddy D. Iskandar • Elin Syamsuri • Étti R.S. • Godi Suwarna • Hadi AKS • Hasan Wahyu Atmakusumah • Hawé Setiawan • Hérmawan Aksan • Hidayat Suryalaga • Holisoh M.E • Iskandarwassid • Jeihan • Juniarso Ridwan • Karna Yudibrata • Karno Kartadibrata • Ki Umbara • Kis WS • M.A. Salmun • Méméd Sastrahadiprawira • Moch. Ambri • Nanéng Daningsih • Ningrum Djulaéha • Nano. S • Nazarudin Azhar • Popon Saadah • Rahmat M.A.S • Rahmatullah Ading Affandie (RAF) • Ramadhan K.H • Rustandi Kartakusuma • Saéful Badar • Saini K.M. • Sajudin Natadisastra • Samsoedi • S.M. Ardan • Soni Farid Maulana • Sunarya P.K. • Syarif Amin • Tatang Sumarsono • Taufik Faturohman • Téddi Muhtadin • Tini Kartini • Usép Romli • Us Tiarsa • Wahyu Wibisana • Yayat Héndayana • Yooke Tjuparmah • Yoséph Iskandar • Yuhana • Yus Rusamsi • Yus Rusyana
Dicomot ti "https://su.wikipedia.org/w/index.php?title=Godi_Suwarna&oldid=660070"