Kota Pekalongan

Keur artikel kabupatén nu ngaranna sarua, tempo Kabupatén Pekalongan

Kota Pekalongan nyaéta salah sahiji kota di Propinsi Jawa Tengah. Kota ieu wawatesan jeung Laut Jawa di béh kaler, Kabupatén Batang di wétan, sarta Kabupatén Pekalongan di béh kidul kuloneunnana. Pekalongan ngawengku 4 kacamatan, nyaéta Pekalongan Barat, Pekalongan Utara, Pekalongan Timur, jeung Pekalongan Selatan.

Kota Pekalongan

Lambang Kota Pekalongan
{{{foto}}} {{{caption}}}
Peta lokasi Kota Pekalongan
Motto	-
Propinsi	Jawa Tengah
Ibukota	{{{ibukota}}}
Lega Wilayah	17,55 km²
Kordinat	-
Pangeusi  · Jumlah  · Kapadetan	272.000 (2003) 15.499 jiwa/km²
Administratif  · Kacamatan  · Désa/kal	4 -
Dasar hukum	UU No. 13/1950
Tanggal	-
Walikota	H. Achmad Alf Arslan Djunaid, S.E.
{{{kapala daerah1}}}	{{{nami kapala daerah1}}}
Kode aréa	0285
DAU	Rp. 132.335.000.000
Ramatloka: www.kotapekalongan.go.id

Kota ini aya dina jalur pantura nu ngahubungkeun Jakarta-Semarang-Surabaya. Pekalongan aya dina 101 km kuloneun Semarang, atawa 384 wétaneun Jakarta. Pekalongan kasohor minangka kota batik, sabab batik Pekalongan boga corak nu has jeung variatif. Kota Pekalongan boga palabuan perikanan panggedéna di Pulo Jawa. Palabuan ieu sering jadi transit jeung aréa palélangan hasil tangkepan laut ti para nelayan ti sababaraha daérah. Lian ti éta, di Kota Pekalongan ogé loba pausahaan pangolahan hasil laut, saperti lauk asin, tarasi, sardén, jeung kurupuk lauk, boh pausahaan nu skalana gedé, atawa industri rumah tangga.

Kadaharan has Pekalongan nyaéta megono, nyaéta siksik nangka nu dicampur jeung bungbu kalapa. Kadaharan ieu ilaharna disuguhkeun nalika panas kénéh tur dicampur jeung peuteuy sarta beuleum lauk minangka menu tambahan.

Kota Pekalongan kasohor ku nuansa relijiusna ku sabab mayoritas pangeusina ngagem ageman Islam. Aya sababaraha adat tradisi di Pekalongan nu henteu kapanggih di wewengkon séjén misalna; sawalan, sidekah bumi, jeung sajabana. Sawalan nyaéta ngaria-ria tujuh poéna sanggeus lebaran, nu kiwari mah direuah-reuah ku pamoongan lopis raksasa nu hasil meupeuskeun rékor MURI ku walikota nu satluyna dibagikeun ka nu daratang.