Buka ménu utama
Citranggada
Déwanagari: चित्राङद
Éjahan Sansakerta: Citrāṅgada
Asal: Astinapura, Karajaan Kuru
Papasangan:

Citranggada nyaéta anak cikal pasangan Raja Santanu jeung Satyawati dina wiracarita Mahabarata. Saprak Bisma (lanceuk téréna) ngedalkeun sumpah yén manéhna moal kawin saumur hirupna sarta moal neruskeun tahta Astinapura, Citranggada jadi raja ngagantikeun bapana sarta pamaréntahanana hasil. Waktu Citranggada naék tahta, Astinapura ngarasakeun katingtriman, hususna pikeun Satyawati, tapi ngan sajongjonan.

Tanpa disangka, mucunghul bancang pakéwuh di Astinapura nyaéta aya surat tangtangan ti saurang raja gandarwa anu boga ngaran nu sarua, Citrānggada. Manéhna ambek alatan ngarasa lamun aya dua raja nu ngaranna sarua mustahil baris hirup babarengan dina wanci nu bareng. Manéhna boga tékad yén salah sahiji di antarana kudu palastra. Citrānggada putera Santanu nampa tangtangan kasebut. Sanggeus éta, kajadian perang antara Citranggada putera Santanu jeung Citranggada gandarwa di "medan Kuru" atawa Kurusétra. Sanggeus perang campuh lumangsung salila tilu bulan, Citranggada putera Santanu gugur sarta kakawasaanana digantikeun ku adina, Wicitrawirya.

Saméméh mangkat, Citranggada tacan boga geureuha antukna henteu mibanda turunan.

Harti ngaranÉdit

Dina basa Sansakerta, kecap Citranggada sacara harfiah hartina "dipapaésan ku pinggel-pinggel anu éndah".

Tumbu kaluarÉdit