Wicitrawirya
Déwanagari: विचित्रवीर्य
Éjahan Sansakerta: Vicitravīrya
Ngaran séjén: Citrawirya
Asal: Astinapura, Karajaan Kuru
Papasangan: Ambika; Ambalika

Dina wiracarita Mahabarata, Wicitrawirya (basa Sansekerta: विचित्रवीर्य; Vichitravīrya) nyaéta salah saurang anak Prabu Santanu, Raja di Astinapura. Indungna nyaéta Déwi Satyawati, pamajikan kadua Prabu Santanu. Wicitrawirya mangrupa adi Citranggada, sarta boga lanceuk téré (sabapa béda indung) nu ngaranna Bisma (Déwabrata). Nurutkeun silsilah kulawarga Kuru, Wicitrawirya mangrupa aki ti Pandawa, Sanjaya, sarta Kurawa.

Harti ngaran édit

Dina basa Sansekerta, kecap Wicitrawirya sacara harfiah hartina "dangong kapahlawanan anu matak hélok".

Riwayat édit

Wicitrawirya lahir salaku anak bungsu ti pasangan Prabu Santanu jeung Déwi Satyawati. Citranggada nyaéta ngaran lanceuk kandungna anu ngagantikeun kakawasaan bapana sarta maréntah di Astinapura kalawan alus. Tapi, Citranggada gugur dina umur nu ngora dina hiji perang sarta luyu jeung talari mangka Wicitrawirya ngagantikeun kakawasaanana. Dina waktu harita umur Wicitrawirya ogé masih ngora.

Alatan Wicitrawirya masih ngora pikeun neruskeun pamaréntahan, mangka manéhna dibantuan ku baraya téréna, Bisma. Mangsa geus cukup umur pikeun kawin, Bisma mangmilihkeun calon penganten anu pas pikeun Wicitrawirya. Saterusna manéhna miang ka Karajaan Kasi sarta meunangkeun sayémbara anu diayakeun di éta nagara. Manéhna mawa tilu putri Raja anu baris dianugerahkeun ka adina, Wicitrawirya. Tilu putri kasebut ngaranna Amba, Ambika, jeung Ambalika. Tapi Amba henteu hayang ngadahup ka Wicitrawirya alatan asihna ngarah ka batur, mangka ngan Ambika jeung Ambalika anu ngadahup ka Wicitrawirya.

Teu lila sanggeus kawin, Wicitrawirya mangkat alatan kasakit paru-paru. Manéhna mangkat tanpa turunan. Satyawati ménta supaya Bisma ngawin kadua randa Wicitrawirya sangkan mibanda turunan, tapi Bisma nampik alatan katalian ku sumpahna. Ahirna dua randa kasebut dibikeun ka Resi Abiyasa, anak Satyawati ti Resi Parasara, alatan manéhna sanggup méré turunan ka dua randa kasebut sarta masih mibanda hubungan kakulawargaan jeung para Raja Astinapura.

Ambika, Ambalika sarta turunanana édit

Kadua randa Wicitrawirya — Ambika jeung Ambalika — baris ngalaksanakeun upacara "Putrotpadana" pikeun ménta anak, sarta upacara kasebut dipingpin ku Resi Abiyasa. Saméméhna, Abiyasa nitah dua randa kasebut datang sorangan pikeun ngalakonan upacara kasebut. Mimitina Ambika nu datang. Tapi alatan manéhna sieun ku Abiyasa, mangka salila prosés ritual manéhna nutupan panonna. Tuluy Abiyasa ngomong yén jaga anakna baris lahir lolong. Sanggeus lahir, anak Ambika kasebut dibéré ngaran Dréstarastra. Saterusna Ambalika nu datang. Tapi alatan manéhna sieun ku Abiyasa, mangka salila prosés ritual beungeutna sepa. Tuluy Abiyasa ngomong yén anakna baris lahir kalayan beungeut nu sepa boga kasakit anemia sarta teu cukup séhat pikeun maréntah karajaan. Sanggeus lahir, anakna Ambalika dibéré ngaran Pandu. Ku paménta Déwi Satyawati, Abiyasa ngajurung sangkan salah sahiji ti maranéhanana datang deui sangkan Abiyasa bisa ngalakonan ritual deui sarta bisa dilahirkeun anak anu cageur. Ambika jeung Ambalika ngajurung salah sahiji emban pikeun datang ka Abiyasa. Dayang kasebut pohara tenang dina waktu prosés ritual. Waktu lahir, anak dayang ieu lahir kalayan séhat sarta saterusna dibéré ngaran Widura.

Tempo ogé édit

Tumbu kaluar édit

Wiracarita Mahabarata ku Krishna Dwaipayana Wyasa
Para palaku
Dinasti Kuru Palaku séjén
Santanu | Bisma | Satyawati | Citrānggada | Wicitrawirya | Ambika | Ambalika | Widura | Dréstarata | Gandari | Sangkuni | Subadra | Pandu | Kunti | Madrim | Yudistira | Bima | Arjuna | Nakula | Sadéwa | Duryodana | Dursasana | Yuyutsu | Dursala | Drupadi | Arimbi | Gatotkaca | Ahilawati | Utara | Utari | Ulupi | Citrānggadā Amba | Barbarika | Babruwahana | Irawan | Abimanyu | Parikesit | Wirata | Kicaka | Krépa | Dorna | Aswatama | Ékalaya | Kertawarma | Jarasanda | Satyaki | Mayasura | Durwasa | Sanjaya | Janaméjaya | Abiyasa | Karna | Jayadrata | Kresna | Baladéwa | Drupada | Arimba | Dréstajumena | Burisrawa | Salya | Adirata | Srikandi | Rada
Jejer pamungkas
Pandawa Lima | Kurawa | Astinapura | Indraprahasta | Karajaan dina Mahabarata |
Perang di Kurusétra | Bagawad Gita | Karajaan Kuru | Silsilah Pandawa jeung Kurawa