1492 – Kapal tilu tihang Santa María, nu dipingpin ku Christopher Columbus, neunggar karang di Haiti alatan salah panawangan.
1553 – Patempuran Tucapel: Indian Mapuche pingpinan Lautaro ngéléhkeun pangjajah Spanyol sarta nelasan gupernu Chili, Pedro de Valdivia.
1758 – Komét Halley kasawang ku Johann Georg Palitzsch, mastikeun benerna ramalan Edmund Halley ngeunaan wanci liliwatanna. Hal ieu mangrupa liliwatan hiji komet nu munggaran nu geus diramalkeun ti saméméhna.
1809 – Dr. Ephraim McDowell midangkeun operasi ngangkat rahim nu munggaran, miceun 22 pon tumor.
1837 – Perang Seminole Kadua: Jénderal Amérika, Zachary Taylor, mingpin 1.100 pasukan ngalawanan Seminoles (gabungan urang Indian) dina patempuran Dano Okeechobee.
1868 – Présidén AS Andrew Johnson ngahampura sakabéh véteran perang ti Konfederasi.
1951 – Hiji bom ngajelegur di imahna Harry T. Moore jeung Harriette V. S. Moore, pamingpin Pagerakan Hak-Hak Sipil, nelasan Harry saharita sarta sacara fatal nyideraan Harriette.
1968 – Pangbantéan Kilvenmani: Opat puluh opat urang Dalit (kaum nu katindes di India) dibeuleum tug ka hanteuna di Désa Kizhavenmani, Tamil Nadu, minangka wawales kana kampanye kanaékan gajih ku pagawé-pagawé buruh Dalit.
1989 – Révolusi Romania: Présidén kasingkir Romania, Nicolae Ceausescu, katut bojona, Elene, diputus hukuman mati sarta diéksékusi sabada hiji sidang pangadilan nu singket.
1991 – Mikhail Gorbachev mundur tina présidén Uni Soviét (nu ogé bubar poé isukna). Réferendum Ukraina réngsé sarta Ukraina sacara resmi ninggalkeun Uni Soviét.
2003 – Pasawat UTAGE 141, Boeing 727-223, murag di Bandara Cotonou di Bénin, nelasan151 jalma.
2012 – Pasawat Antonov An-72 ti Kazakhstan ragrag di deukeut kota Shymkent, Kazakhstan, nelasan 27 jalma.
2016 – Pasawat Tupolev Tu-154 Kamentrian Pertahanan Rusia nu ngangkut anggota Énsembel Alexandrov murag ka Laut Hideung teu lila sabada leupas landas, nelasan kabéh 92 jalma sajeroeunna.
