1183 SM – Itungan tanggal tradisional Rugrugna Troy, nandaan réngséna Perang Troya nu ngalegénda, numutkeun pupuhu Perpustakaan Iskandariah, Erastothenes katut nu lianna.
1547 – Patempuran Mühlberg. Bangsawan Alba, mingpin pasukan Karajaan Spanyol nu Charles I, ngéléhkeun pasukan Liga Schmalkadic.
1877 – Perang Rusia-Turki: Karajaan Rusia nyatakeun perang ka Turki Utsmani.
1885 – Jago témbak Amérika, Annie Oakley diséwa ku Nate Salsbury pikeun jadi anggota rombongan Wild WestBuffalo Bill.
1888 – Pausahaan Eastman Kodak diadegkeun ku George Eastman.
1895 – Joshua Slocum, jalma munggaran nu balayar ngulilingan dunya sosoranganan, mimiti miang ti Boston, Massachusetts, tunggang parahu layarana, "Spray".
1913 – Gedong Woolworth, gedong panyakar langit nu munggaran di Amérika dibuka di Kota New York.
1914 – Ékspérimén Franck–Hertz, hiji pilar mékanik kuantum, dipidangkeun ka Masyarakat Fisika Jérman.
1916 – Pangbarontakan Paskah: Pangbarontak Irlandia, dipingpin ku Patrick Pearse jeung James Connolly, mesatkeun hiji perlawanan di Dublin ngalawan kakawasaan Inggris sarta ngaproklamirkeun Républik Irlandia.
1916 – Ernest Shackleton katut lima jalma ti Ékspédisi Trans-Antartik ngirimkeun hiji parahu panyalamet ti Pulo Gajah nu taya pangeusina di Samudera Kidul pikeun nulungan kru kapal Endurance nu tilelep.
1918 – Perang Dunia I: Tempur tank ngalawan tank nu munggaran, nalika Patempuran Villers-Bretonneux nu kadua. Tilu Mark IV nu Inggris patelak jeung tilu A7V Jérman.
1926 – Perjangjian Bérlin ditaréken. Jérman jeung Soviét janji moal ilibiung lamun aya serangan ka nu lian ti pihak katilu salila lima taun kahareup.
1944 – Perang Dunia II: SBS (pasukan parahu husus AL Inggris) dipesatkeun pikeun ngalawanan garnisun Santorini di Yunani.
1955 – Konferénsi Bandung réngsé: dua puluh salapan nagara non blok di Asia jeung Afrika réngsé masamoan nu maido kana kolonialisme, rasisme jeung Perang Tiis sarta ngahasilkeun Dasasila Bandung.
1965 – Perang sipil lumangsung di Républik Dominika nalika Kolonél Fransisco Caamano ngarugrugkeun triumpirat nu geus ngawasa ti saprak kudéta ka Juan Bosch.
1967 – Kosmonot Vladimir Komarov nemasing pati dina Soyuz 1 nalika parasutna teu kabuka. Manéhna mangrupa jalma munggaran nu maot dina misi ka luar angkasa.
1970 – Gambia jadi nagara Républik dina sajeroeun Pasamakmuran sarta Dawda Jawara jadi présidén kahijina.
2013 – Wangunan Plaza Randa di Savar Upazila, Bangladésh rubuh, nelasan 1.129 jalma sarta nyideraan 2.500 lianna.
2013 – Kaheurasan di wilayah Bachu, Préféktur Kashgar, Xinjiang, Cina, ngabalukarkeun maotna 21 jalma.
2018 – Kasangka Juru Paténi Golden State, Joseph DeAngelo ditéwak sarta didakwa pikeun dalapan panelasan sabada katohian liwat situs jaringan généalogi.
