1758 – Kapal pangangkut Inggris, Duke William tilelep di Atlantik Kalér, niwaskeun leuwih ti 360 jalma.
1862 – Perang Sipil Amérika: Dina Patempuran Fredericksburg, pasukan Jéndral Robert E. Lee ti Konféderasi ngéléhkeun pasukan Jéndral Ambros Burnside ti Union.
1937 – Perang Cina - Jepang Kadua: Patempuran Nanking: kota Nanjing nu dijagaan ku Tentara Révolusionér Nasional dina pingpinan Jéndral Tang Shengzi murag ka Jepang. Hal ieu dituluykeun ku Pangbantéan Nanking, di mana tentara Jepang merkosa jeung maéhan ratusan rébu rakyat sipil.
1937 – Kantor warta Indonésia, ANTARA, diadegkeun.
1939 – Perang Dunia II: Patempuran River Plate: Kaptén Hans Langsdorff nu mawa kapal pangjalajah JérmanAdmiral Graf Spee patelak jeung kapal Karajaan Inggris HMS Exeter, HMS Ajax jeung HMS Achilles sarta tuluy kasoran.
1949 – Knesset (badan législatif Israél) mutuskeun Yérusalem jadi puseur nagri Israél.
1960 – Nalika Raja Haile Selassie ti Ethiopia keur nyaba ka Brasil, pasukan pangawal karajaanna ngarebut puseur nagri sarta ngaproklamirkeun panggantian dirina ku anakna, Putra Mahkota Pangéran Asfa Wossen.
1977 – Pasawat Air Indiana 216 murag deukeut Bandara Régional Evansville, nelasan 29 jalma, kaasup tim baskét Universitas Evansville tur para pangiringna.
1982 – Lindu 6.0 Ms Yaman Kalér ngoyag-ngoyag Yaman kulon kidul ku Inténsitas Mercalli maksimum VIII (Heuras), nelasan 2.800 jalma sarta nyideraan 1.500 lianna.
1989 – Serangan ka pos jaga Derryard: IRA ngalancarkeun serangan ka pos jaga kandaraan temporér Pasukan Inggris di deukeu Rosslea, Irlandia Kalér. Dua urang Inggris palastra sarta dua séjénna tatu.
2001 – Sansad Bhavan, gedong Parlemén India diserang ku téroris. Dua belas jalma palastra kaasup si téroris.
