1901 – Emilio Aguinaldo, présidén Républik Philipina kahijii, ditéwak di Palanan, Isabela, ku pasukan Jénderal Frederick Funston.
1905 – Eleftherios Venizelos ngagero sangkan Krete jeung Yunani ngahiji, sarta ngamimitian naon nu kiwari nelah ku Révolusi Theriso.
1918 – Perang Dunia I: Dina poé katilu Serangan Usum Mekar Jérman, Batalion Ka-10 Resimén West Kent Inggris diancurkeun sarta loba personélna nu jadi tahanan perang.
1933 – Reichstag ngaluarkeun Akte Pangbisa 1933, ngajadikeun Adolf Hitler minangka diktator Jérman.
1939 – Pasukan Angkatan Udara Hongaria nyerang markas Angkatan Udara Slowakia di Spišská Nová Ves, nelasan 13 jalma sarta ngamimitian Perang Slowakia-Hongaria.
1940 – Résolusi Lahore di jieun sabada Konvénsi Umum Taunan Liga Muslim India.
1945 – Patempuran Okinawa: Kapal Angkatan Laut AS ngabombardir Pulo Okinawa, Jepang dina raraga persiapan keur serangan Sakutu; minangka pangtohaga-tohagana Perang Pasifik dina Perang Dunia II.
1945 – Pausahaan Swallow Sidecar nu dipingpin ku William Lyons ganti ngaran jadi Jaguar.
1956 – Pakistan jadi nagara républik Islam nu munggaran di dunia. Poé ieu kiwari dipiéling minangka Poé Républik di Pakistan.
1978 – Pasukan UNIFIL kahiji narepi di Libanon, pikeun ngajaga kadaméyan di sapanjang Garis Biru.
1982 – Pamaréntah Guatemala pingpinan Fernando Romeo Lucas Garcia dirugrugkeun dina hiji kudéta militer ku sayap kiwa Jénderal Efrain Rios Montt.
1991 – Front Panggabungan Révolusioner nu didukung ku Front Patriotik Nasional Charles Taylor Liberia, nyerang Sierra Leone dina usahana ngarubuhkeun Joseph Saidu Momoh, nyeungeut kana 11 taun Perang Sipil Sierra Leone.
1994 – Dina hiji pamilu nu lumangsung di Tijuana, kandidat présidén Méksiko, Luis Donaldo Colosio ditelasan ku Mario Alburto Martinez.
1994 – Pasawat-pasawat AU Amérika,F-16 jeung C-130 tabrakan di Markas AU Pope sarta tuluy marurag, nelasan 24 tentara AS nu di harandap. Kajadian ieu tuluy nelah ku sebutan musibah Green Ramp.
1994 – Pasawat Aeroflot 593 ti Rusia murag ka Gunung Kuznetsk Alatau mountain, Provinsi Kemerovo, Rusia, nelasan 75 urang.
1999 – Jalma basanjata nelasan Wakil Présidén Paraguay Luis Maria Anrgana.
2009 – Pasawat FedEx Express 80: McDonnell Douglas MD-11 nu ngapung ti Guangzhou, Tionghoa, murag di Bandara Internasional Narita Tokyo, nelasan boh kaptén jeung co-pilot-na.
2016 – Hasil panalungtikan GPR (Radar Panembus Lemah) ka makam Shakespeare di Garéja Triniti Suci di Stanford, nyimpulkeun yén kamungkinan tangkorak sastrawan éta geus aya nu maok.
2018 — Présidén Péru Pedro Pablo Kuczynski mundur tina jabatanna di tengah-tengah skandal korupsi masal méméh dimakzulkeun ku Kongrés Péru nu loba dieusi ku oposisi.
2019 – Pasukan Démokratik Syria dukungan AS nyatakeun kameunangan perang ti ISIS / ISIL sabada perang salila opat taun. Najan kitu, ISIS masih ngabogaan kumpulan-kumpulan leutik di sakuliah Syria jeung Irak.
