1071 – Bari, wilayah pamungkas nu dipimilik ku Byzantium di Italia Kidul, nyerah ka Robert Guiscard.
1395 – Timur ngéléhkeun Gorombolan Emas (The Golder Horde) dina Patempuran Leuwi Terek. Puseur nagri Gorombolan Emas, Sarai, diratakeun jeung lemah sarta Timur tuluy ngadegkeun pamaréntahan bonéka.
1450 – Patempuran Formigny: Rék nepi ka pangujung Perang Saratus Taun, Perancis nyerang jeung ngancurkeun pasukan Inggris, mungkas dominasi Inggris di Perancis Kalér.
1865 – Présidén Abraham Lincoln nemasing pati sabada katémbak dina peuting saméméhma. Wakil Présidén Andrew Johnson jadi panggantina.
1892 – Pausahaan General Electric diadegkeun ku cara ngagabungna pausahaan nu Thomas Edison jeung Pausahaan Listrik Thomson-Houston, nu dialpukahan ku J.P. Morgan sarta disahkeun di New York.
1912 – Kapal panumpang Inggris, Titanic tikelebuh di Atalantik Kalér dina jam 2:20 a.m., dua jam opat puluh menit ti sabada neunggar gunung és. Ngan 710 urang tina 2.227 panumpang jeung kru nu bisa salamet.
1969 – Insidén panémbakan EC-121: Koréa Kalér némbak pasawat Angkatan Laut AS di saluhureun Laut Jepang, nelasan 31 jalma jeroeunna.
1970 – Nalika Perang Sodara di Kamboja, pangbantéyan ka minoritas urang Viétnam ngahasilkeun 800 bugang nu ngambang di Leuwi Mekong di Viétnam Kidul.
1986 – AS mesatkeun Operasi Jurang El Dorado, serangan bom ka targét-targét Libya dina raraga ngaréspon kana pangeboman di Jérman Kulon nu nelasan dua pagawé sipil Amérika.
1996 – Saurang tentara némbakan sakarepna di Bandara Timika, nelasan 16 jalma, 11 tentara jeung 5 urang sipil.
2011 – Bom maéhan manéh di Masjid Pulisi di Cirebon, wanci Sholat Jum'at, nyideraan 28 jalma.
2013 – Dua bom ngajelegur di deukeut garis finish maraton Boston, di Boston, Massachusetts, nelasan tilu jelema jeung nyideraan 264 lianna.
2013 – Hiji galura pangeboman di Irak nelasan saheunteuna 75 jalma.
2014 – Pangparahna pangbantéyan dina Perang Sodara Sudan Kidul, saheunteuna 200 jalma ditémbak mati nalika keur nyaralindung di tempat-tempat ibadah jeung rumah sakit.
