19 Pébruari
(dialihkeun ti 19 Pebruari)
| ||||||||||||||||||||||||||||||||||||||||||||||||||||||||
19 Pébruari nyaéta poé ka-50 dina sataun dina kalénder Gregorian, sésana 315 poé (316 dina taun kabisat).
Kajadian
édit- 1600 – Gunung Huaynaputina di Péru bitu, minangka gunung bitu pangtohagana nu kacatetkeun dina sajarah Amérika Kidul.
- 1649 – Patempuran Kadua Guararapes lumangsung, mungkas sagala usaha kolonialisasi Walanda di Brasil.
- 1674 – Inggris jeung Walanda néken Perjangjian Westminster, mungkas Perang Inggris-Walanda Katilu. Salah sahiji hasil tina perjangjian éta nyaéta pamindahan koloni Walanda New Amsterdam ka Inggris sarta tuluy ganti ngaran jadi New York.
- 1819 – Pangjajah Inggris, William Smith manggihan Kapuloan Shetland Kidul sarta tuluy sarta tuluy diaku mungguhing Rja George III.
- 1846 – Di Austin, Texas, pamaréntahan Républik Texas nyérénkeun kakawasaan ka pamaréntah nagara bagéan Texas, sabada di serang ku Amérika Sarikat.
- 1878 – Thomas Edison maténkeun phonograph.
- 1913 – Pedro Lascuráin jadi présidén Méksiko salila 45 menit; hal ieu mangrupa pangpondok-pondokna mangsa jabatan présidén di sakuliah dunia.
- 1942 – Perang Dunia II: Ampir kana 250 kapal udara Jepang nyerang Kota Darwin, Australia béh kalér, nelasan 243 jalma.
- 1942 – Perang Dunia II: Présiden AS Franklin D. Roosevelt néken aturan éksékutif 9066, ngidinan militer AS pikeun nempatkeun urang Amérika Jepang kana kémp-kémp tahanan.
- 1943 – Perang Dunia II: Patempuran Kasserine di Tunisia dimimitian.
- 1945 – Perang Dunia II: Patempuran Iwo Jima: Kira-kira 30.000 marinir AS ngadarat di Pulo Iwo Jima.
- 1948 – Konferénsi Pamuda jeung Mahasiswa Asia Kidul nu Bajoang pikeun Kabébasan jeung Kamerdékaan lumangsung di Kalkuta.
- 1959 – Karajaan Inggris méré kamerdékaan ka Siprus, nu sacara résmi diproklamirkeun dina tanggal 16 Agustus 1960.
- 1976 – Aturan Éksékutif 9066, nu nungtun kana panempatan urang Amérika Jepang kana kémp tahanan dibatalkeun ku Proklamasi 4417 Présidén Gerald Ford.
- 1978 – Pasukan Mesir nyerang Bandara Internasional Larnaca dina usahana pikeun méréskeun hiji pangbajakan bari teu ménta ijin ka otoritas Républik Siprus. Garda Nasional Siprus jeung pasukan pulisi nelasan 15 tentara Mesir sarta ngancurkeun kapal transportasi Mesir C-130 dina hiji patempuran kabuka.
- 1985 – William J. Schroeder jadi jalma munggaran nu nampa jantung buatan nu kaluar ti rumah sakit.
- 1985 – Boeing 727 Iberia Airlines murag di Gunung Oiz di Spanyol, nelasan 148 jalma.
- 1986 – Pangbantéan Akkaraipattu: Tentara Sri Langka nelasan 80 urang patani Tamil di Sri Langka wétan.
- 1989 – Pasawat Flying Tiger Line 66 murag kana hiji pasir di deukeut Bandara Sultan Abdul Aziz Shah di Malaysia, korban tiwas opat urang.
- 2003 – Pasawat militer Ilyushin Il-76 murag di deukeut Kerman, Iran, korban 275 jalma.
- 2006 – Beledugan métan di hiji tambang batu bara di deukeut Nueva Rosita, Méksiko, nelasan 65 urang panambang.
- 2011 – Pamintonan awal tina ruruntuk Belitung nu eusina koléksi artifak Dinasti Tang panggedéna nu katimu di hiji lokasi, dimimitian di Singapura.
- 2012 – Opat puluh opat jalma maraot dina hiji kaributan di hiji panjara di Apodaca, Nuevo Leon, Méksiko.
Nu babar
édit- 1473 – Nicolaus Copernicus, matématikawan jeung astronom Polandia (td. 1543)
- 1962 – Hana Mandlíková, atlét ténes Céko-Australi
- 1963 – Seal, musisi Inggris
- 1967 – Benicio del Toro, aktor Amérika kalahiran Puérto Riko
- 1985 – Amal Maher, penyanyi jeung aktris Mesir
- 1993 – Mauro Icardi, pamaén bola Argéntina
Nu pupus
édit- 1927 – Robert Fuchs, komposer Austria (l. 1847)
- 1997 – Deng Xiaoping, pamingpin Cina (l. 1904)
Poé peré / poé panginget-nginget
éditTumbu luar
édithttps://en.wikipedia.org/wiki/February_19
|
Artikel ngeunaan kalénder ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |