Sopianwar

Nyangkem Wikipédia

• Kedalan pangadeg
• Dadaran singget Wikipédia
• Pituduh lengkep

Jadi Éditor

• Ngamimitian nyieun artikel
• Pitulung jeung Artikel munggaran Anjeun
• Cutat rujukan ku cara Nyutat Wikipédia
• Sawala (wangkongan)

Kaca Pamaké Anjeun

• Kaca pamaké anjeun (pitulung)
• Kotrétan

Panglawungan

• Kaca utama panglawungan

Wilujeng sumping di Wikipédia, Sopianwar!

---

Sampurasun, simkuring baris nyamat anjeun minangka Wikipédiawan.

Wikipédia mangrupa énsiklopédi bébas anu digarap réréongan, terus-tumerus diwangun ku sadaya pamaké. Wikipédia basa Sunda kiwari kakarék 61.814 artikel. Sakabéh artikel di Wikipédia basa Sunda ditulis tur dimumulé ku para rélawan siga anjeun. Mangga lakonan léngkah munggaran anjeun ku sawatara pituduh anu aya di lebah katuhu, atawa nulis di kaca Sawala.

Wikipédia neueul kana sawatara prinsip dasar anu dipihormat ku sakumna:

1. énsiklopedis tur anteb (ngandelkeun sumber anu sohéh)
2. jihat sawangan nétral (teu ngandung unsur promosi)
3. watekna nembrak sarta mihormat hak cipta (teu asal nyalin atawa plagiat)
4. étika (lumuhung kana kasopanan tur konsénsus)
5. bébas pikeun ngarobah (nyimpen sakabéh jujutan)

Hayu urang ngaronjatkeun Wikipédia basa Sunda sangkan leuwih hadé, kontribusi anjeun diantos pisan. Sangkan leuwih raket deui, dihaturan pisan gabung kana  Grup Facebook Wikipédia Basa Sunda

Mugia anjeun sugema boh macana boh nulisna di Wikipédia.

Wilujeng ngontribusi!

Pikeun nanda tangan obrolan, dina panungtung obrolan anjeun ketikeun ~~~~ (opat kali tanda gelombang/tilde).

don't speak Sundanese?

---

Yusup_Ramdani ✉ 29 Januari 2015 06.28 (UTC)

Wilujeng Sumping di Wiki Sabanda

Bagéa!

Anjeun geus kadaptar jadi pamilon pasanggiri nulis Wiki Sabanda.

• Pikeun meunangkeun hadiah utama, anjeun kudu ngaliwatan 10 undakan.
• Ayeuna anjeun bisa migawé undak 1. Katangtuanana bisa ditingali dina kaca katangtuan Undak 1
• Upama geus nulis artikel, mangga laporkeun dina Kaca Klaim Undak 1

Cag!

Pikeun nanda tangan dina kaca sawala, siga kaca ieu, ketik ~~~~ (opat kali tanda gelombang/tilde).

ilhamkang (sawala) 29 Januari 2015 07.12 (UTC)

Wilujeng kanggo artikelna!

Sampurasun, Sopianwar!
Sadérék tos hasil ngadamel artikel Aljabar anu luyu sareng syarat minimal dina undak 1. Sangkan lulus tina undak 1, mangga damel 4 (opat) artikel deui.
Cing sumanget nya! --ilhamkang (sawala) 12 April 2015 13.18 (UTC)

Ronda undak 1

Sampurasun, Kang Sopian!
Ieu di handap hasil ngaronda artikel anu dilaporkeun kana kaca klaim undak 1. Tina 5 artikel anu dilaporkeun, umumna tos cekap kanggo syarat minimum. Mung, aya dua artikel anu kedah dirapihkeun heula. Upami tos dirapihkeun, Kang Sopian tiasa lulus undak 1.

1. Aljabar – OK
2. Peternakan – OK
3. Hérbisida – tambahan subjudul référénsi
4. Férméntasi – OK
5. Gulma – tambahan subjudul référési

Teras sumanget, nya! ---ilhamkang (sawala) 24 April 2015 13.46 (UTC)

Wilujeng, Anjeun lulus undak 1!

Wilujeng, Kang Sopianwar!

Anjeun geus lulus undak 1!.

• Ayeuna anjeun bisa migawé undak 2.
• Katangtuanana bisa ditingali dina kaca katangtuan Undak 2
• Upama geus nulis artikel, mangga laporkeun dina Kaca Klaim Undak 2

Cag!

--ilhamkang (sawala) 26 April 2015 13.42 (UTC)

Referensi ulah tina Wikipedia deui

Sampurasun, Sopianwar!
Kanggo referensi teu kengeng langsung dicandak tina Wikipedia bahasa lain. Ieu artikel Palung_laut dianggap teu luyu sareng kriteria, kitu oge artikel nu sanes anu nganggo referensi tina Wiki deui. Artikelna ngan dianggap gaduh 1 referensi. Tingali pituduh dina kaca ieu. --ilhamkang (sawala) 28 April 2015 14.51 (UTC)

Geura ngédit deui

Sampurasun, Sopianwar!
Artikel anu tos dilaporkeun dina undak 2 teu acan nyumponan jumlah sarat anu ditangtoskeun. Ku kituna geura ngédit deui Wikipédia, sangkan tugas undak 2 tiasa diréngsékeun. salam. --ilhamkang (sawala) 9 Méi 2015 03.04 (UTC)

Kantun 2 Artikel deui!

Sampurasun, Sopianwar!
Kantun 2 artikel deui kanggo nyumponan sarat undak 2. Mangga geura lengkepan! --ilhamkang (sawala) 27 Méi 2015 15.13 (UTC)

Uleman

Sampurasun Sopian,
Dihaturanan sumping dina acara Pasanggiri Cover Majalah Manglé nu baris dilaksanakeun dinten Minggu ping 31 Méi 2015 ti tabuh 09.00-17.00 di kantor Majalah Manglé Jl. Lodaya No.19 Bandung.
Agénda acara:

1. silaturahmi antar pamilon Wiki Sabanda;
2. sosialisasi & pelatihan wikipédia ka para pamilon cover Majalah Manglé.

Diantos pisan kasumpinganana.
Hatur nuhun. --A.R Dipusparaga (sawala) 29 Méi 2015 08.04 (UTC)

Wilujeng, Anjeun Lulus Undak 2!

Wilujeng!

Anjeun geus lulus undak 2!.

• Ayeuna anjeun bisa migawé undak 3.
• Katangtuanana bisa ditingali dina kaca katangtuan Undak 3
• Upama geus nulis artikel, mangga laporkeun dina Kaca Klaim Undak 3

Cag!

ilhamkang (sawala) 31 Méi 2015 02.47 (UTC)

hatur nuhun.--Sopianwar (sawala) 31 Méi 2015 02.48 (UTC)

Lengkepan tugas undak 3!

Sampurasun, Sopianwar!
Mangga lengkepan tugas dina undak 3, supados tiasa lajeng kana undak 4. Waktosna kantun sakedap deui kanggo ngaréngsékeun sadaya undak. Sumanget nya! --ilhamkang (sawala) 17 Juni 2015 03.14 (UTC)

Sampurasun

Kumaha damang kang? Badé togmol waé panginten. Manawi akang kersa mantosan sim kuring sangkan tiasa janten anggota kelompok sim kuring? Insyaallah mulang tarimana sim kuring tiasa merenahkeun kana artikel akang sangkan nyumponan kana undakan 3. Hatur nuhun kang. Diantos saénggalna kana kersana silih bantosna. :) 17 Juni 2015 14.38 (UTC)

Rampés

Hapunten kang nembé diwaler... Hatur nuhun kanggo ulemana kang... hoyong pisan saleresnamah.. tapi hapunten upami abdi teu tiasa masihan kontribusi anu seueuer.. bilih kitu... --Sopianwar (sawala) 23 Juni 2015 02.21 (UTC)

Sopi, upami ngawaler talatah, teu kedah ngadamel dina kaca anyar, kantun ngédit wé dina kaca ieu. --ilhamkang (sawala) 23 Juni 2015 04.52 (UTC)

Uleman Ngabuburit

Wilujeng énjing Sopi,
Dihaturanan sumping dina acara Ngabuburit Bareng Wikipédia nu baris dilaksanakeun dina:

dinten: Rebo, 8 Juli 2015

tempat: Co & Co Working Space Jl. Dipatiukur No. 5 (Dago), Bandung

waktu: Jam 16.00-20.00

Agénda acara:

1. Silaturahmi antar pamaké Wikipédia
2. Ngabuburit bari ngédit artikel bareng
3. Bukber (buka puasa bersama)

Acara ieu dijamin HARATIISSS tur aya doorprizena ogé.
Tong hilap nyandak léptop atanapi gadget nu sanésna nya.
Kanggé kalancaran acara, mangga konfirmasi heula kasumpinganana ku cara ngawaleran ieu uleman (tiasa/henteuna sumping) dina obrolan kaca pamaké sim kuring.
Diantos pisan kasumpinganana. Hatur nuhun --A.R Dipusparaga (sawala) 2 Juli 2015 03.36 (UTC)

Kamana waé?

Sopi, kamana waé yeuh? dikontak tara nyambung waé. Teraskeun nyerat wikina nya. Mun tiasa mah ngiringan kana acara buka bareng ogé. --ilhamkang (sawala) 3 Juli 2015 06.53 (UTC)

punten pisan bapa, abdi dapet masalah kamari kamarina. tos lami teu tiasa online kana wiki. nuju diusahakeun deui pa. --Sopianwar (sawala) 3 Juli 2015 06.56 (UTC)

Muhun atuh nya, kedah ngiring ah kana acara bukber, engké mondok di kosan bapa. Janten salsé wé. Nomer HP masih aktif? ditelpon teu aktif waé gning. --ilhamkang (sawala) 3 Juli 2015 06.59 (UTC)

Sumuhun pa insyaalloh. nomor teh tos gentos pa.. gara-gara dipaketkeun sesuatu ku rai jadi nyedot wae. --Sopianwar (sawala) 3 Juli 2015 07.08 (UTC)

Oh muhun ari kitu mah, smskeun nomer enggalna we nya. --ilhamkang (sawala) 3 Juli 2015 07.10 (UTC)

muhun pa --Sopianwar (sawala) 3 Juli 2015 07.18 (UTC)

Ngaronda: Undak 3

Sampurasun, Sopi!
Di handap ieu aya sababaraha catetan kanggo 6 artikel anu tos diajukeun kanggo undak 3.

• Bangbung

1. Kategori OK, wikifikasi OK, interwiki OK. Sumber OK.
2. Dumasar sarat artikel minimal, ieu tos cekap. Mung sakedik kirang merenah dina milih kecap hungkul.

• Hama

1. Kategori OK, wikifikasi OK, interwiki OK. Sumber OK.
2. Artikelna tos nyumponan sarat minimal.
3. Dina subbagian kirang rapih margi diheuleutan hiji spasi, padahal tiasa ngangge tanda * kanggo nyebutkeun anggota tina subbagian.

• Fiqih

1. Umumna tos nyumponan sarat minimal. Kategori OK, wikifikasi OK, interwiki OK. Sumber OK.
2. Kecap kahiji (atanapi judul) dina paragraf bubuka kedah dihideungan, janten Fiqih, supados katingali jelas.
3. Aya sababaraha kecap anu kirang merenah
4. Kanggo istilah asing kedah dimiringkeun, misalna: fuqaha, leasing.

• Nématoda

1. Kategori OK, wikifikasi OK, interwiki OK. Sumber OK.
2. Kalimah kahiji dina paragraf bubuka kedahna tiasa ngajelaskeun nématoda sacara langsung. Biasana mah ditambihan kecap "nyaéta" atanapi "mangrupa". Misalna saperto dina sumber ieu. Mangga dianggo sumberna, teras lereskeun kalimah bubukana.
3. Istilah Latin kedah dimiringkeun, sareng diluyukeun kana sistim ngaran Ilmiah.

• Omnivora

1. Wikifikasi OK, interwiki OK. Sumber OK.
2. Kategori nu tos aya dina Wikipedia Basa Sunda téh kategori:sasatoan. Iwal ti éta, kategori kanggo atrikel tiasa ditingali tina artikel nu tos janten dina Wikipedia basa séjén, misalna dina basa Inggris, atanapi dina basa indonesia.

• Parasit

1. Kecap kahiji kedahna dihideungan janten Parasit.
2. Kalimah kahiji dina paragraf bubuka kedah tiasa ngagambarkeun sacara umum, misalna sapertos dina sumber ieu.
3. Conto-conto parasit tiasa dipisahkeun janten subbagian.
4. Referensina kirang hiji, margi minimalna dua referensi. Mangga tingali ieu sumber di handap kanggo tambihanna:

• http://www.kamusq.com/2014/04/parasit-adalah-pengertian-dan-definisi.html
• http://kamuskesehatan.com/arti/parasit/

Mangga lereskeun artikelna. Sumanget nya!, Cag. --ilhamkang (sawala) 3 Juli 2015 08.55 (UTC)

Laporan Kontribusi Mingguan (29 Juni -5 Juli 2015)

Sampurasun, Sopianwar!
Ieu hasil ngaronda kontribusi mingguan Sopi ti kaping 29 Juni - 5 Juli 2015:

9 suntingan (sumber)

Saleresna tiasa langkung aktif deui, Sopi teh. Mugi kapayunna tiasa langkung seueur kontribusina. Cag! --ilhamkang (sawala) 7 Juli 2015 14.46 (UTC)

Ngaronda: Undak 3 (ka-2)

Sampurasun, Sopi!
Ieu di handap mangrupi catetan umum kana sadayana artikel anu tos disetorkeun dina kaca klaim undak 3. Mangga diperhatoskeun kanggo ngadamel artikel salajengna nu langkung saé.

1. Nuliskeun sumber réferénsi langkung saé upami dituduhkeun tanggal diaksésna. --> misalna <ref>sumber rujukan (diaksés 9 Juli 2019)</ref>
2. Basa dina sumber rujukan ditambahkeun ogé. {{id}} (pikeun basa Indonesia) {{en}} (pikeun basa Inggris). --> <ref>{{id}}Sumber rujukan</ref>
3. Wangun lengkep sumber rujukan (tunggal-online): --> <ref>{{id}}sumber rujukan (tanggal diakses)</ref>.
4. Unggal artikel anu didamel kedah nganggo citakan taratas: {{pondok}}
5. Kanggo révisina, mangga tingali hasil ngaronda ieu di handap:

Artikel:

• Bangbung - révisi
• Hama - révisi
• Fiqih - révisi
• Nématoda - révisi
• Omnivora - révisi
• Parasit - révisi
• Pérs - révisi
• Warta - révisi
• Majalah -révisi
• Kutu - révisi

Citakan:

• Citakan:Asean - OK
• Citakan:Babadotan (taxobox) - OK

Cag. --ilhamkang (sawala) 9 Juli 2015 16.17 (UTC)

Wilujeng, Anjeun lulus ka undak 4!

Wilujeng!

Anjeun geus lulus undak 3!.

• Ayeuna anjeun bisa migawé undak 4.
• Katangtuanana bisa ditingali dina kaca katangtuan Undak 4
• Upama geus nulis artikel, mangga laporkeun dina Kaca Klaim Undak 4

Cag!

--ilhamkang (sawala) 9 Juli 2015 16.35 (UTC)

hatur nuhun kang... hapunten nembe ngarespon... nuju aya kaperyogian kulawargi... --13 Juli 2015 13.52 (UTC)

Pengiriman Hadiah

Sampurasun Kang Sopi,
Perkawis hadiah undak 2 sareng undak 3 naha badé dikintun ayeuna atanapi engkin waé dihijikeun sareng hadiah-hadiah sanésna di ahir pasanggiri? Diantos waleranana. Nuhun --A.R Dipusparaga (sawala) 13 Juli 2015 14.25 (UTC)

Ngaronda: Undak 4

Sampurasun, Sopi!
Ieu mangrupi hasil ngaronda dina undak 4 anu dipidamel ku sadérék.

Artikel anyar:

1. Karangan
   • Lantaran karangan aya dina rupa-rupa basa, mangka langkung merenah kategorina dirobah kana basa.
2. Laporan
   • Istilah asing dina basa Inggris kedah dimiringkeun.
   • tingali révisi
3. Nutrisi
   • Kategori diganti jadi Kadaharan
   • Tingali Revisi
4. Ovivar
   • Kategori diganti jadi réproduksi sato
   • Kalimah: Perlu dicatet, yén endog jeung spérma bakal dileupaskeun ka lingkungan akuatik sabab lamun henteu maranehna moal bisa hirup kawas lauk jeung ampibi. kurang merenah lamun contona hayam atawa manuk. Sigana kedah dipasihan katerangan anu jelas yén ovipar téh prosésna aya anu internal siga hayam atawa manuk, aya ogé anu éksternal siga lauk atawa ampibi.
   • tingali revisi
5. Vivivar
   • Kalimah kahiji kedah ngajelaskeun judul. Jadina kieu: Vivivar nyaéta....
   • kategori dirobah jadi réproduksi sato
   • tingali révisi
6. Ovovivivar
   • Istilah pengembangbiakan diganti jadi réproduksi waé
   • Tambahan informasi platypus
   • kategori dirobah jadi réproduksi sato
   • tingali révisi
7. émbrio
   • Ejahan kurang rapih
   • Kategori diganti jadi Eukariota
   • tingali revisi
8. agribisnis
   • kategori dipindahkeun kana ékonomi pertanian
   • tingali révisi
9. Agronomi
   • Aya sababaraha istilah anu kirang merenah, misalna pokok pikireun, dibudidayakan, ruang lingkup jrrd.
   • Dina subbab 1 (Wengkuan) teu acan diwikifikasi.
   • Kategori dirobah jadi Agronomi.
   • tingali révisi
10. Autotrof
    • Réa éjahan anu teu rapih, hususna aksara "é".
    • Robah kecap "mangrupa" jadi "mangrupa".
    • tingali révisi

Éditan:

1. Pikeun ningali artikel flora, buka kategori:tutuwuhan
2. Pikeun ningali artikel fauna, buka kategori:sasatoan
   • Zébra - OK (langkung saé ditambihan ngédit éjahan)
   • Ampibi - OK
3. Pikeun ningali artikel inohong Sunda, buka kategori:inohong Sunda
4. Pikeun ningali artikel tempat di Jawa kulon, buka Kategori:Kota_di_Jawa_Barat, Kategori:Kabupatén_di_Jawa_Barat atawa Kategori:Kacamatan_di_Jawa_Barat.

Cag. Sumanget! --ilhamkang (sawala) 25 Juli 2015 14.31 (UTC)

Hatur Nuhun

Hapunten bapa, hoyong tumaros. upami hoyong meunang bentang pangajen teh kumaha nya? --Sopianwar (sawala) 4 Agustus 2015 13.51 (UTC)

Ngaronda: Undak 4 (bag.2)

Sampurasun, Sopianwar!
Ieu hasil ngaronda kanggo tugas undak 4 anu sesana. Sadayana tos cekap.

1. Flora
   • Babadotan-OK
   • Pandan-OK
   • Babadotan-OK
   • Laja-OK
   • Eurih-OK
2. Fauna
   • Zébra-OK
   • Ampibi-OK
   • cacing-OK
   • Panthera-OK
   • Hérbivora-OK
3. Inohong
   • Umar Wirahadikusumah-OK
   • Mochtar Kusumaatmadja-OK
   • Aan Merdéka Permana-OK
   • Kusnadi Harjasumantri-OK
   • Mashudi-OK
4. Wewengkon di Jawa Kulon
   • Argapura, Majalengka-OK
   • Kabupatén Bekasi-OK
   • Karangtengah, Cianjur-OK
   • Kusnadi Harjasumantri-OK
   • Mashudi-OK
5. Artikel Batur
   • Karangtengah, Cianjur-OK
   • Lemak-OK
   • Sayuran-OK
   • Kélor-OK
   • Gandasoli-OK

Cag!--ilhamkang (sawala) 7 Agustus 2015 11.06 (UTC)

Wilujeng Anjeun Lulus Undak 4

Wilujeng!

Anjeun geus lulus undak 4!.

• Ayeuna anjeun bisa migawé undak 5.
• Katangtuanana bisa ditingali dina kaca katangtuan Undak 5
• Upama geus nulis artikel, mangga laporkeun dina Kaca Klaim Undak 5

Cag!

--A.R Dipusparaga (sawala) 8 Agustus 2015 09.45 (UTC)

Hatur nuhun teh...!! --Sopianwar (sawala) 9 Agustus 2015 12.10 (UTC)

Sami-sami Sopi --A.R Dipusparaga (sawala) 9 Agustus 2015 12.39 (UTC)

Anggota Kelompok di Undak 5

Sampurasun Sopi,

Kumaha tos kénging anggota kelompokna? In syaa Allah panitia baris ngabantos Sopi dina ngaréngsékeun tugas di undak 5. Engkin Kang @Ilham.nurwansah: lebet janten anggota kelompok Sopi. Mangga bilih peryogi bantosan tong asa-asa.

Sumanget ah.. --A.R Dipusparaga (sawala) 9 Agustus 2015 12.37 (UTC)

Abdi ngusulkeun Andi gita lesmana, kanggo janten anggota kelompokna. --ilhamkang (sawala) 10 Agustus 2015 23.08 (UTC)

Hatur nuhun pa.. kin bade ditaroskeun kakersaana..!! --Sopianwar (sawala) 11 Agustus 2015 02.42 (UTC)

Uleman Panglawungan

Kahatur Sadérék Sopianwar,

Sampurasun!
Wilujeng parantos tiasa lulus dina ngalaksanakeun tugas undak 5. Alatan sababaraha hal anu patali sareng téhnis dina tugas undak salajengna, peryogi diayakeun kamupakatan sasarengan antawis pamilon sareng panitia. Ku kituna, sadérék diulem kalayan resmi ku Panitia Wiki Sabanda, kanggo sumping dina acara panglawungan (rapat) anu baris lumangsung dina:

Dinten Juma'ah, kaping 4 Séptémber 2015,tabuh 13.00-15.00

di Kantor Pusat Wikimedia Indonesia, Jl. Pati No. 1 Jakarta Pusat.

Mugia sadérék tiasa sumping dina waktosna. Hatur nuhun. Cag.
ilhamkang (sawala) 2 Séptémber 2015 00.26 (UTC)

Pigawé deui Undak 5

Sampurasun, Sopi!
Hatur nuhun kana kontribusina, sareng laporanna dina kaca klaim undak 5. Dumasar hasil pangajénan pikeun katangtuan dina undak 5, sadérék acan lulus kana undak 6. Ku kituna sadérék dipiharep migawé deui tugasna ti awal, sarta ngalaporkeun deui kana kaca klaim undak 5.
Diantos pisan kontribusina. Cag. --ilhamkang (sawala) 8 Séptémber 2015 01.47 (UTC)

Panutupan Wiki Sabanda

Sampurasun!
Sayembara Wiki Sabanda parantos ditutup kaping 14 Maret 2016 jam 23.59 WIB. Hatur nuhun kana ilubiung sadérék Sopianwar dina ieu sayembara. Sadaya hasil anu parantos dipidamel ku sadérék nuju dirékap.

Hasil ahir tina ieu sayembara diumumkeun langsung dina acara panutupan. Ku kituna, panata calagara Wiki Sabanda seja ngulem sadérék Sopianwar kanggo sumping dina acara nu dimaksad, dina:

Dinten, kaping : Kemis, 24 Maret 2016. '

Jam : 13.00-14.00 WIB

Tempat: Aula Perpustakaan Ajip Rosidi, Jl. Garut No. 2, Kota Bandung.

Sanaos sayembara tos lekasan, kontribusi sadérék dina ngokolakeun Wikipéda teras diantos pisan, sangkan Wikipedia Basa Sunda tiasa teras hirup.

Cag.

Panata Calagara
ilhamkang (sawala) 15 Maret 2016 03.29 (UTC)

Wilujeng janten pinunjul!

Sampurasun, Sopi!
Wilujeng janten pinunjul dina sayembara nulis artikel Wiki Sabanda. Mugia janten panyumanget kanggo teras masihan kontribusi dina Wikipedia Basa Sunda. Hayu urang teras ngokolakeun ieu loka. Sumanget!--ilhamkang (sawala) 26 Maret 2016 08.37 (UTC)

Kontributor Aktif Pisan (very active contributor)

Kanggo mertahankeun statistik Wikipedia Basa Sunda, urang usahakeun dina sabulan teras nyunting minimal 100x. Ieu utamina kanggo teras nembongkeun aktifitas kontributor aktif pisan (very active contributors). Mangga dilajeng. --ilhamkang (sawala) 19 April 2016 07.55 (UTC)

Sumuhun pa,, punten kamari-kamari tara aktip.. Sopianwar (sawala) 19 April 2016 08.09 (UTC)

Longok aktifitas pamake nu sanesna

Sopi kumaha damang? sae pisan katawisna beuki rajin sabada kengeng laptop teh nya. :) nuhun pisan ah. Kanggo ngaronjatkeun aktifitas suwiki, langkung sae upami sakal-kali ngalongokan artikel damelan pamake nu sanes, utamina kang Syusuf atanapi kang Dino. Cobi parios upami aya hal-hal teknis ngeunaan wangun artikel sareng kalengkepanana. Teras komentaran dina kaca obrolan artikel, atanapi kana obrolan pamakena langsung. Mangga dilajeng --ilhamkang (sawala) 17 Méi 2016 15.07 (UTC)

muhun pa mangga Sopianwar (sawala) 17 Méi 2016 16.45 (UTC)