Jalur karéta api Cikampék–Padalarang

Jalur karéta api Cikampék–Padalarang
Jambatan karéta api Cikubang taun 1915-1918
Informasi
Sistem	Jalur karéta api rél berat
Status	Beroperasi
Stasion terminus	Cikampék Padalarang
Jumlah stasion	13 stasion aktip
Operasi
Dibuka	27 Désémber 1902
Dipiboga ku	Ditjen KA, Kemenhub RI
Operator	PT Kereta Api Indonésia Daérah Operasi II Bandung
Karakter	Rél lintas pegunungan
Data téhnis
Lébar sepur	1.067 mm
Gancangna operasional	60 - 90 km/jam

Jalur karéta api Cikampék-Padalarang (Aksara Sunda Baku: ᮏᮜᮥᮁ ᮊᮛᮦᮒ ᮃᮕᮤ ᮎᮤᮊᮙ᮪ᮕᮦᮊ᮪-ᮕᮓᮜᮛᮀ) ngahubungkeun Stasion Cikampék jeung Stasion Padalarang sarta jadi jalur utama karéta api anu ngahubungkeun Jakarta jeung Bandung. Jalur ieu kaasup Daérah Operasi II Bandung sarta kasohor minangka jalur anu pungkal-péngkol nembus gunung jeung pasir sarta ngaliwatan lembah anu jero. Jalur ieu diresmikeun tanggal 27 Désémber 1902 sarta nepi di Padalarang tanggal 2 Mei 1906 ku Staatsspoorwegen Westerlijnen.

Jalur ieu boga loba jambatan, salah sahijina nyaéta Jambatan Cikubang yang anu miboga panjang kurang leuwih 300 méter sarta Jambatan Cisomang anu luhurna ti dasar lembah sekitar 100 méter sarta mangrupa jambatan pangluhurna di Pulo Jawa jeung Asia Tenggara. Salian ti éta di jalur ieu ogé aya torowongan karéta api pangpanjangna di Jawa anu aktip kénéh, nyaéta Torowongan Sasaksaat anu panjangna 949 méter. Nepi ka kiwari, pétak-pétak di jalur ieu anu geus jadi jalur ganda nyaéta pétak Cikampék-Purwakarta, Ciganéa-Sukatani, jeung Pléréd-Cisomang-Cikadongdong.

Jalur nu kahubung

Lintas aktip

• Rajawali–Cikampék
• Cikampék–Cirebon
• Padalarang–Kasugihan
• Manggarai–Padalarang (jalur Cianjur–Padalarang pikeun samentara teu dioperasikeun)

Lintas non-aktip

Trém Karawang–Cikampék

Layanan karéta api

Panumpang

• Kelas éksekutip
  • Argo Parahyangan jurusan Bandung jeung Jakarta (Gambir)
  • Argo Wilis jurusan Surabaya Gubeng jeung Jakarta (Gambir)
  • Turangga jurusan Surabaya Gubeng jeung Jakarta (Gambir)

• Kelas campuran
  • Argo Parahyangan jurusan Bandung jeung Jakarta (Gambir)
  • Harina jurusan Bandung jeung Surabaya Pasarturi
  • Ciremai Éksprés jurusan Bandung jeung Semarang Tawang
  • Malabar jurusan Malang liwat Blitar jeung Jakarta (Pasar Senén)
  • Mutiara Selatan jurusan Malang liwat Surabaya Gubeng jeung Jakarta (Gambir)
  • Pangandaran jurusan Banjar jeung Jakarta (Gambir)

• Kelas ékonomi PSO
  • Serayu jurusan Jakarta (Pasar Senén) jeung Purwokerto

• Karéta api ekonomi lokal
  • Walahar Éksprés jurusan Jakarta (Tanjung Priok) jeung Purwakarta
  • Lokal Cibatu jurusan Purwakarta jeung Cibatu

Barang

• Angkutan peti kemas Gedébagé

Daptar stasion

• Stasion Cikampék (CKP)
• Stasion Cibungur (CBR),
• Stasion Sadang (SAD),
• Stasion Purwakarta (PWK),
• Stasion Ciganéa (CA),
• Stasion Sukatani (SUT),
• Stasion Pléréd (PLD),
• Halteu Cisomang (CG),
• Stasion Cikadondong (CD),
• Stasion Réndéh (RH),
• Stasion Maswati (MSI),
• Stasion Sasaksaat (SKT),
• Stasion Cilamé (CLE),
• Stasion Padalarang (PDL),

Artikel ngeunaan karéta api ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.