Stasion Bandung (BD) atawa Stasion Hall (Aksara Sunda: ᮞ᮪ᮒᮞᮤᮇᮔ᮪ ᮘᮔ᮪ᮓᮥᮀ) nyaéta stasion karéta api kelas badag tipeu A anu perenahna di Kebonjeruk, Andir, Kota Bandung, pasna di wates antara Kalurahan Pasirkaliki jeung Kebonjeruk. Stasion anu aya di tingkat kaluhuran +709 méter ieu mangrupa stasion panggedéna anu aya di Daérah Operasi II Bandung. Stasion ieu saméméhna ngan boga hiji wangunan stasion. Saenggeus dirénovasi ku Pamaréntah Kota Bandung, stasion ieu kiwari miboga dua wangunan sanajan masih kénéh ngahiji. Stasion ini perenahna di Jalan Stasiun Timur No. 1 (pintu kidul) jeung Jalan Kebon Kawung No. 43 (pintu kalér), Kota Bandung.

Stasion Bandung

LiveryPapanStasiun 2020.svg

PapanNamaStasiun BD.png
  • Singgetan: BD
  • Nomor: 1430
Stasiun Bandung 2020.jpg
Stasion Bandung beulah kidul sabada ditata, 2020
Ngaran lianStasion Hall
LokasiJalan Stasiun Timur No.1 (Lawang kidul)
Jalan Kebon Kawung No.43 (Lawang kalér)
Kebonjeruk, Andir, Bandung, Jawa Kulon, 40181
Indonésia
Luhur+709 m
OperatorDaérah Operasi II Bandung
Letak ti pangkalkm 155+134 lintas BogorBandung
BanjarKutoarjoYogyakarta
km 0+000 lintas Bandung
CikudapateuhDayeuhkolotMajalaya/Ciwidéy[1]
Jumlah péron7
Jumlah jalur10 (jalur 3 & 4: sepur lurus)
Konstruksi
ArsitékF.J.A. Cousin[2]
Gaya arsitékturArt deco
Informasi lain
KlasifikasiBadag tipeu A[3]
Sejarah
Dibuka18 Séptémber 1884
Diwangun deui1909
Layanan
Argo Wilis, Argo Parahyangan, Turangga, Harina, Lodaya, Ciremai, Malabar, Mutiara Selatan, Pangandaran, Lokal Bandung Raya, jeung Lokal Cibatu
Fasilitas jeung téknis
Tipeu pasinyalanÉléktrik
Pamesenan tikétSistem tikét onlén; ngalayanan pemesenan langsung jeung parobahan/pabolayan kaberangkatan di lokét. Aya fasilitas ala bandara mangrupa check-in mandiri pikeun nyitak boarding pass.
Lokasi dina peta
Stasion Bandung beulah kalér

Stasion ieu ogé dipikawanoh minangka terminal angkutan kota lantaran ku lobana angkot jurusan stasion ieu, otomatis stasion Bandung jadi kasohor ku gelar “terminal angkot”.[4] Stasion ieu mangrupa stasion karéta api panggedéna di Kota Bandung jeung Jawa Kulon.

Mimiti taun 2014, KA lokal Bandung Raya jeung KA Lokal Cibatu teu dilayanan di pintu kalér stasion, ngan dilayanan di pintu kidul wungkul, pikeun ningkatkeun palayanan ka panumpang jeung calon panumpang di ieu stasion.

Stasion ieu mindeng dijadikeun minangka stasion karéta api pacontoan (pilot project) ku PT KAI dina sisi kualitas palayanan pikeun satingkat jeung bandara. Kusabab kitu, PT KAI ngajadikeun stasion ieu minangka stasion karéta api munggaran di Indonésia anu nerapkeun sistem check-in jeung boarding pass mimiti Pébruari 2016[5] sarta sistem pamariksaan bagasi ngagunakeun sinar-X mimiti Oktober 2018.[6]

Ruang tunggu kalér stasion Bandung

Ka arah kulon stasion ieu aya urut stasion Bandung Gudang anu geus teu aktip lantaran geus euweuh deui aktivitas pangangkutan barang di dinya.

Skybridge stasion Bandung ditempo ti kajauhan

Ayeuna, stasion Bandung geus boga sasak layang (skybridge) di wétaneun stasion Bandung, anu ditujukeun husus pikeun panumpang. Salian éta, péron jalur 1 sarta péron antara jalur 2 jeung 3 dijangkungan sarta péron jalur 4, 5, jeung 6 dipanjangan pikeun ngaluyukeun jeung travelator anu nyambung ka sasak layang éta.[7]

Patali jeung proyék modérnisasi pasinyalan karéta api, ti mimiti Maret 2021 di stasion ieu jeung stasion Ciroyom dilakukeun prosés pikeun ngaganti sinyal anu heubeul jieunan Siemens anu geus 50 taun ku sinyal anu anyar meunang nyieun PT Len Industri.[8]

SajarahÉdit

 
Stasion Hall Bandung (1930)

Dina buku Wajah Bandoeng Tempo Dulu (1984) yasana Haryoto Kunto, ideu awal pangwangunan stasion Bandung aya hubunganna jeung dibukana pakebonan di Bandung sekitar taun 1870. Stasion ieu diresmikeun tanggal 17 Méi 1884, nalika jaman pamaréntahan Bupati Koesoemadilaga sarta di waktu nu sarua ogé dibuka jalur karéta Batavia-Bandung ngaliwatan Bogor jeung Cianjur. Harita, para juragan tanah pakebonan (Preangerplanters) ngagunakeun jalur karéta api pikeun ngirim hasil pakebonanna ka Batavia leuwih téréh. Pikeun nampung sarta nyimpen hasil pakebonan nu rék diangkut kana karéta, diwangun gudang-gudang paranti nyimpen barang di babaraha tempat di deukeut stasion Bandung, diantarana di Jalan Cibangkong, Jalan Cikudapateuh, daérah Kosambi, Kiaracondong, Braga, Pasirkaliki, Ciroyom, jeung Andir. Saenggeus diresmikeunna jalur Bandung-Surabaya (1 Nopémber 1894), para pamilik pabrik jeung pakebonan gula dari Jawa Tengah jeung Jawa Timur (Suikerplanters) nyéwa gerbong karéta ka Bandung sangkan bisa miluan Kongrés Usahawan Pakebonan Gula nu kahiji. Kongrés éta mangrupa hasil pertemuan Pengurus Besar Perkumpulan Usahawan Pakebonan Gula (Bestuur van de Vereniging van Suikerplanters) di Surabaya taun 1896.[9][2]

Di taun 1909, arsiték FJA Cousin ngajadikeun wangunan heubeul stasion Bandung leuwih lega, salah sahijina ditandaan ku hiasan kaca patri péron bagian kidul anu gayana Art Deco. Taun 1918, stasion ieu ngahubungkeun Bandung-Rancaékék-Jatinangor-Tanjungsari-Citali, tuluy taun 1919 diwangun jalur Bandung-Citeureup-Majalaya sarta di jalur nu sarua diwangun jalur Citeureup-Banjaran-Pangaléngan (1921). Pikeun jalur ka pakebonan entéh, Tahun 1918, diwangun jalur Bandung ka Kopo tuluy ka Ciwidéy (Maret 1921).[9]

Nalika diresmikeunna stasion Bandung, surat kabar Walanda harita, Javabode, nuliskeun yén masarakat sekitar ngarayakeunna salila 2 poé teu eureun-eureun. Baheulana, karéta api mangrupa sarana transportasi hasil produksi pakebonan Bandung, saperti kina, entéh, kopi, jeung karét, sahingga pertumbuhan ékonomi di kota Bandung berkembang pesat, anu ngabalukarkeun stasion ieu meunang pangajén dari pamaréntah kota mangrupa monumén anu aya di hareupeun stasion, nyaéta di peron kidul (Jalan Stasiun Selatan). Harita, tugu éta dicaangan ku 1.000 damar rancangan Ir. EH De Roo. Kiwati monumén éta geus diganti ku monumén réplika lokomotip uap séri TC1008. Taun 1990, diwangun péron kalér anu ahirna dijadikeun bagian hareup stasion di Jalan Kebon Kawung.[9]

Ciri hasÉdit

Stasion ieu miboga ciri has mangrupa bél lagu instruméntal angklung Manuk Dadali anu sok disetél unggal karéta api datang. Salian ti éta, sok disetél ogé instruméntal Karatagan Pahlawan unggal aya karéta anu rék indit.

Layanan karéta apiÉdit

PanumpangÉdit

Kelas ÉksekutipÉdit

CampuranÉdit

Lokal Ékonomi ACÉdit


Antarmoda pangrojong[10]Édit

Jenis angkutan umum Trayék Jurusan
Angkot Kota Bandung 04 Terminal Kebon Kalapa
09 Stasiun Hall–Dago
10 Stasiun Hall–Terminal Sadang Serang
11B Stasiun Hall–Ciumbeuleuit via Cihampelas
12 Stasiun Hall–Pasar Induk Gedébagé
13 Stasiun Hall–Sarijadi
14 Stasiun Hall–Gunung Batu
22 Terminal Kebon Kalapa–Pasar Sederhana
26 Cisitu–Tegalega
30 Kebon Kalapa–Elang
31 Antapani–Ciroyom
34 Terminal Sadang Sérang–Pasar Induk Caringin
Angkot Kabupatén - Lémbang–Stasiun Hall
- Stasiun Hall–Cimahi–Padalarang

GalériÉdit

RujukanÉdit

  1. Subdit Jalan Rel dan Jembatan (2004). Buku Jarak Antarstasiun dan Perhentian. Bandung: PT Kereta Api (Persero). 
  2. a b Kunto, H (1984). Wajah Bandoeng Tempo Doeloe. Bandung: Granesia. 
  3. Buku Informasi Direktorat Jenderal Perkeretaapian 2014 (PDF). Jakarta: Direktorat Jenderal Perkeretaapian, Kementerian Perhubungan Indonesia. 
  4. "Angkutan Umum: Angkot Kota Bandung". Transportasiumum.com. Diakses tanggal 14 September 2017. 
  5. Haryadi, Malvyandie (22 Februari 2016). "Mulai Senin, Stasion Bandung Berlakukan Aturan Boarding Pass, Ini yang Harus Dilakukan Penumpang". Tribun Jabar. Diakses tanggal 14 September 2017. 
  6. Indonesia, PT. Content First. "Optimalkan keamanan, Stasion KA Bandung operasikan x-ray". elshinta.com. Diakses tanggal 2018-11-07. 
  7. Fatimah, Siti. "Wajah Baru Stasiun Bandung dengan Skybridge yang Instagrammable". detikTravel (dalam Indonesian). Diakses tanggal 2021-05-23. 
  8. developer, mediaindonesia com. "Kucurkan Rp13,8 M, Ini Progam Padat Karya KA Kemenhub di Jabar". mediaindonesia.com (dalam Indonesian). Diakses tanggal 2021-05-23. 
  9. a b c Gregorius Magnus Finesso (Citakan:ISO date/en). "Bangkitnya Tatar Sunda". Kompas. p. 3 
  10. "Angkutan Umum | Angkot Kota Bandung – TRANSPORTASI UMUM". transportasiumum.com (dalam en-US). Diakses tanggal 2018-04-30. 

Tumbu kaluarÉdit

Wikimedia Commons mibanda média séjénna ngeunaan

(id) Situs resmi PT. Kereta Api Indonesia (Persero)

Jalur karéta api Padalarang-Kasugihan
Stasion saméméhna:
Stasion Ciroyom
Stasion saenggeusna:
Stasion Cikudapateuh