Wikipedia:Keur lumangsung/Juli 2007

1 Juli 2007 (Minggu)

Uni Afrika papanggih di Accra, Ghana pikeun ngayakeun sawala nu fokusna ngeunaan proposal Muammar Khadafi ti Libya pikeun pamaréntahan pan-Afrika. (BBC)

2 Juli 2007 (Senén)

CyBC, radio nagara Siprus, ngalaporkeun yén Létnan Kolonél Thomas Mooney, atase militér di Kadutaan Amérika Sarikat kapanggih geus tilar dunya di beulah kulon Siprus. (AP via IHT)

3 Juli 2007 (Salasa)

Mentri Pertahanan Jepang Fumio Kyuma ngundurkeun diri sanggeusna ngoméntaran dibom atomna Nagasaki jeung Hiroshima ahir minggu. (BBC)

4 Juli 2007 (Rebo)

Hambalan anceman téror di United Kingdom diturunkeun tina kritis jadi sedeng. (The Guardian) KTT ka-9 Majlis Uni Afrika, nu lumangsung 3 poé, réngsé di Accra, Ghana. (BBC) (Ghana Home Page) Leuwih ti 700 murid nyerah di masjid di Islamabad sanggeus dikepung ku angkatan kaamanan Pakistan. (BBC)

5 Juli 2007 (Kemis)

Dua puluh lima urang perlaya sarta 33 urang lianna taratu nalika bar karaoke di wetan kaler Cina ngabeledug. (AFP via ABC News Australia)

6 Juli 2007 (Jumaah)

Nu wenang di Australia nambah kaamanan marengan diintrogasina Dr. Muhamad Hanif alatan kamungkinan kalibetna dina Serangan Bandara Internasional Glasgow taun 2007 sarta kajadian bom mobil di London taun 2007.(Reuters), (Dizi izle) (AP ngaliwatan Houston Chronicle)

7 Juli 2007 (Saptu)

Tabrakan beus di Cianjur, Jawa Kulon nyababkeun palastrana saeutikna 14 urang. 48 urang lianna taratu, dintarana palarna. (AP via the Guardian)

8 Juli 2007 (Minggu)

Perang kajadian antara Angkatan Laut Sri Lanka jeung Macan Tamil di basisir wetan propinsi Trincomalee. (AP via CNN)

9 Juli 2007 (Senén)

Liga Arab panuju pikeun munggaran ngirim delegasi ka Israél. (AP via CNN)

10 Juli 2007 (Salasa)

Bandera China China nibankeun hukuman ka pupuhu Asosiasi Pangan jeung Ubar-ubaran Nagara Zheng Xiaoyu alatan korupsi. (MSNBC)

11 Juli 2007 (Rebo)

Indonésia ngungsikeun rébuan padumuk nu cicing deukeuteun Gunung Gamkonora alatan gunung ieu kawasna mah bakal bitu. (Reuters via ABC News Australia)

12 Juli 2007 (Kemis)

Kapal féri Pilipina, MV Blue Water, nyeseb kana basisir wétan kidul Luzon nu nyababkeun opat urang tiwas sarta 18 urang leungit. (News Limited)

13 Juli 2007 (Jumaah)

Man-Yi 12 Juli '07 Angin topan Man-Yi ngadeukeutan basisir Okinawa di Jepang nyababkeun pareum listrik sarta dibolaykeunnana ratusan penerbangan ti jeung ka pulo ieu. (Reuters via News Limited) Indonesia jeung Pilipina satuju pikeun ngalegaan silih bagi intélijénna kalayan harepan bisa mantuan nyusud dua tersangka bom Bali 2002. (Reuters via ABC News Australia) Iran jeung Badan Tanaga Atom Internasional meunang kasapukan dina mutuskeun pacekcokan ngeunaan program nuklir Iran. (Reuters) Militér Koréa Kalér nyoba pikeun ngayakeun sawala jeung Amérika Sarikat pikeun "kadaméan jeung kaamanan" di semenanjung Koréa. (BBC)

14 Juli 2007 (Saptu)

Pulisi Féderal Australia ngadakwa Dr. Muhamad Hanif kalayan tuduhan "ngarojong ka organisasi téroris" patali jeung serangan Bandara Internasional Glasgow 2007 sarta bom mobil London 2007. (BBC)

15 Juli 2007 (Minggu)

Koréa Kalér nutup fasilitas nuklir Yongbyon (detik)

16 Juli 2007 (Senén)

Bandéra BTAI Nu mariksa ti Badan Tanaga Atom Internasional (BTAI) ngonfirmasi ditutupna réaktor Yongbyon di Koréa Kalér. (BBC) Televisi ATN Bangla ngalaporkeun yén pulisi Bangladésh geus nahan manten Perdana Mentri Bangladésh, Sheikh Hasina. (AP via IHT) Lini nu gedéna 6.8 skala Richter narajang Jepang nu disusul ku kaluarna pangéling ngeunaan kamungkinan sunami di Préféktur Niigata. Saeutikna lima urang palastra sarta 644 urang lianna taratu.(BBC), (CNN), (AFP via Reuters)

17 Juli 2007 (Salasa)

Saeutikna 200 urang tiwas nalika kapal hiber komersial bogana maskapai panggedena di Brasil, Tam Airlines, kaduruk sanggeus tiseureuleu kaluar tina landasan pacu Bandara Congonhas sarta nabrak salah sahiji wangunan (PR Kompleks pakantoran Pemkab Garut, ti Salasa isuk mula, dicicingan ku massa nu nungtut Bupati Garut Agus Supriadi pikeun mundur tina jabatannana paling telat dina waktu dua poe. (PR) Utusan datang di Béijing pikeun neruskeun sawala genep partéy poé Rebo nu ngalibetkeun Koréa Kalér, Koréa Kidul, Tiongkok, Rusia, Jepang jeung Amérika Sarikat ngeunaan fase kadua urusan pelucutan nuklir Koréa Kalér. (BBC) Lini Niigata 2007: Pamaréntah Jepang maréntah Pausahaan Tanaga Listrik Tokyo pikeun tetep nahan Pembangkit Tanaga Nuklir Kashiwazaki-Kariwa supaya mungkas pangecékan kaamanan nu di-pending sanggeus ayana lini nu nyababkeun ayana kabocoran. (Bloomberg)

18 Juli 2007 (Rebo)

Roda landing TAM Linhas Aéreas Flight 3054 Panalungtikan munggaran ngeunaan tabrakan TAM Linhas Aéreas Flight 3054 nyebutkeun yén pilot nyoba pikeun ngabatalkeun landing. (CNN) Piala Asia: Sanggeus Indonésia eleh ku Koréa Kidul 0-1, Jalan Gatot Subroto di Jakarta jadi sagara beureum bodas. (detik) Badan Tanaga Atom Internasional negeskeun yén Koréa Kalér geus mareuman sakabéh réaktor nuklirna nu jumlahna lima, minangka hasil tina sawala genep partéy di Béijing. (Reuters)

19 Juli 2007 (Kemis)

Média Jepang ngalaporkeun tungtutan yén Pembangkit Tanaga Nuklir Kashiwazaki-Kariwa bakal tetep ditutup sahanteuna nepi ka sataun alatan lini leupas basisir Chūetsu 2007. (BBC) Bom maéhan manéh niwaskeun sahanteuna genep urang sarta natuan 13 urang di stasiun pulisi di Hangu, Pakistan. (BBC) Saeutikna 22 urang palastra alatan rugrugna wangunan 7 lantey di Mumbai, India. (AP via The Guardian)

20 Juli 2007 (Jumaah)

Taliban ngeureunkeun hiji beus di Afganistan sarta nyulik sababaraha panumpangna kaasup urang Koréa Kidul. (Reuters) Israél mimiti ngaleupaskeun 250 tawanan Paléstina nu patali jeung Fatah. (BBC) BMG ngémbarkeun yén angin gedé nu narajang Jakarta ahir-ahir ieu masih normal kénéh (detik) PT KA arék ngalaporkeun diparalingna kabel sinyal ka Polsék Ménténg {detik}

21 Juli 2007 (Saptu)

Harry Potter and the Deathly Hallows, buku katujuh tur mangrupa pamungkas tina seri Harry Potter karangan J.K. Rowling geus dikaluarkeun. (AFP via ABC News Australia)

22 Juli 2007 (Minggu)

Urang Turki arindit pikeun nyarolok dina pamilu. (BBC)

23 Juli 2007 (Senén)

Caah jeung longsor di wewengkon Indonesia tengah nwaskeun saeutikna 30 urang. (News Limited) Taliban ngesét deadline anyar keur tawanan urang Koréa Kidul. (BBC) Badai nerus di Tiongkok dibarengan ku caah jeung longsor, 150 urang palastra minggu kamari di nagara ieu balukar tina badai. (Reuters)

24 Juli 2007 (Salasa)

Marie-Noëlle Thémereau ngundurkeun diri tina jabatan Présidén Kalédonia Anyar. (ABC News Australia) Bituna kétél uap di pabrik anduk di Karachi Kalér niwaskeun 8 urang sarta natuan 28 urang. (AndhraNews.net) Bom mobil keur maéhan manéh merlayakeun saeutikna 22 urang di kota Hilla, Irak. (BBC) Puluhan jalma laleungit di Sulawesi, Indonésia alatan caah jeung longsor. (BBC)

25 Juli 2007 (Rebo)

Delegasi ti Liga Arab nyaéta Mentri Luar Nagri Mesir jeung Yordania tumandang ka Israél. (BBC) Pratibha Patil ngedalkeun sumpah minangka Présidén India wanoja nu munggaran. (AndhraNews.net) Subkontraktor Rusia ngembarkeun yén réaktor tanaga nuklir Iran munggaran bakal siap dina Agustus 2008. (Reuters) Leuwih loba deui imah nu dikosongkeun di Oxford alatan Walungan Thames ngajebolkeun bendungannana. (Reuters via News Limited) Koréa Kalér jeung Koréa Kidul ngayakeun sawala hambalan luhur keur netepkeun wawates. (BBC)

26 Juli 2007 (Kemis)

Ayana nu ngabeledug di gudang mariem di Aleppo, Syria niwaskeun saeutikna 15 urang sarta natuan 50 lianna. (AP via Jerusalem Post) Pangaruh gelombang panas di Éropa 2007 beuki goreng, diembarkeun yén 500 urang palastra di Hungaria sarta leuweung kahuruan kacida legana. (BBC) Lini nu magnitudona 7 di Sagara Maluku basisir Indonesia micu ayana wanti-wanti ngeunaan tsunami di Maluku Kalér nu satuluyna mah dibolaykeun. (AP via the Houston Chronicle), (BBC) Perang di Afganistan : Soldadu nu dipingpin ku Amerika Sarikat maehan leuwih ti 50 pemberontak di Propinsi Helmand di Afganistan. (Reuters) Caah di United Kingdom Usum Panas 2007: Hambalan caah di Walungan Thames diperkirakeun naek terus alatan Inggris diperkirakeun bakal katarajang hujan nu leuwih gede. Dua urang palastra di Tewkesbury, Gloucestershire nalika nyieun tarekah pikeun miceunan cai tina hiji klub. (BBC), (Daily Telegraph) Koréa Kalér walk out nalika sawala jeung Koréa Kidul nalika gagal dina nangtukeun wates sagara. (AP via Fox News)

27 Juli 2007 (Jumaah)

Mentri Lingkungan Selandia Anyar David Benson-Pope ngundurkeun diri tina Kabinét. (Bloomberg) Steve Bracks ngundurkeun diri tina jabatannana minangka Perdana Mentri Victoria. (Sydney Morning Herald)

28 Juli 2007 (Saptu)

Perang di Afganistan: Saurang soldadu Britania palastra ku serangan rokét di Propinsi Helmand. (BBC) Lal Masjid di Islamabad ditutup nepi ka jangka waktu nu teu kawates nyusul ayana bom maéhan manéh kalayan wanti-wanti ti pajabat nu wenang di Pakistan ngeunaan kamungkinan ayana deui serangan bom. (Reuters via CNN) Bernard Kouchner, Mentri Luar Nagri Perancis, datang ka Libanon pikeun nurunkeun paaduregengna Perdana Mentri Libanon Fuad Siniora jeung oposisi pro-Siria. (BBC)

29 Juli 2007 (Minggu)

Irak ngéléhkeun Saudi Arabia sarta hasil meunang Piala Asia. (New York Times) Farouq Ahmad Syeikh, komandan kelompok militan Hizbul Mujahidin ditembak pati ku pulisi di India nalika granat nu dibalangkeun ku manehna henteu bitu. (AndhraNews.net) Mentri-mentri Luar Nagri ASEAN panuju kana rarancang pikeun nguatkeun Zona Bébas Pakarang Nuklir Asia Tenggara. (Reuters) Kelompok hak asasi manusa nyebutkeun yen opat urang pandita Katolik Roma ditawan di China. (Westfall Weekly News) Tujuh urang awak perlaya dina tabrakan pesawat kargo An-12 di Bandara Domodedovo Moskow. (Reuters via ABC News Australia)

30 Juli 2007 (Senén)

Saurang gubernur Afganistan menta ka Taliban sangkan nambahan wates wanci hirupna 22 urang Koréa Kidul nu satadina nepi ka Senén ieu, sanggeusna militan ngawanti-wanti ka pamarentah Afganistan sangkan ngaleupaskeun sababaraha urang anggotana nu katewak, lamun henteu tawanan Koréa tea bakal tinemu ajal pati. (AP via The China Post) Nu tiwas di China alatan caah, kilat jeung taneuh urug nalika usum panas geus ampir 700 urang. (Reuters) Genep puluh salapan urang panambang terperangkap dina panambangan batu bara nu kacaahan di propinsi Henan di China. (Reuters via CNN)

31 Juli 2007 (Salasa)

Caah narajang beh wetan India, Bangladés jeung Nepal ngabalukarkeun yutaan jamlma leungiteun imahna. (BBC News) Bandéra Zimbabwé Partéy pulitik ZANU-PF di Zimbabwé ngabéwarakeun rojongannana pikeun ngajadikeun Présidén Robert Mugabe, puuhu nagara ti taun 1979, jadi présidén saumur hirup. (IRIN) Australian Synchrotron sacara resmi dibuka di Melbourne, Victoria. (ABC News Australia)