1914 – Karajaan Rusia nyatakeun perang ka Kasultanan Turki dina Perang Dunia I ngabalukarkeun ditutupna Selat Dardanella.
1917 – Déklarasi Balfour ngaproklamirkeun dukungan Inggris pikeun “diwangunna hiji padumukan nasional di Palestina pikeun urang-urang Yahudi,” ku pamahaman nu atra yén “teu kudu milampah naon-naon pikeun kamungkinan karugian hak-hak agama jeung sipil pikeun komunitas non-Yahudi nu geus ngeusian ti heula.”
1920 – Di Amérika Sarikat, KDKA Pittsburg mimiti siaran minangka stasiun radio komérsil munggaran.
1936 – The British Broadcasting Corporation nyieun Layanan Télévisi BBC, minangka layanan “high definition" nu munggaran di dunia. Taun ’64 ganti jadi BBC1, tur masih kénéh jalan nepi ka kiwari.
1949 – Konferénsi Méja Bunder Indonésia – Walanda di Den Haag, di mana Walanda satuju pikeun nyérénkeun kakawasaan ka Indonésia Sarikat.
1951 – Dina Perang Koréa, sapeleton Résimén Kanada mertahankeun hiji area vital ngalawan sabatalion pinuh pasukan Cina dina Patempuran Song-gok Spur. Campuh lumangsung semet ka isuk-isuk poé isukna.
1963 – Présidén Viétnam Kidul Ngô Đình Diệm dipaténi dina hiji kudéta militer.
1964 – Raja Saud ti Arab Saudi diléngsérkeun dina hiji kudéta kulawarga, sarta digantikeun ku dulur sabapana, Faisal.
1984 – Velma Barfield, palaku panelasan noron jadi awéwé munggaran nu diéksékusi mati di AS ti saprak taun 1962.
1986 – Sandera AS, David Jacobsen, dibébaskeun di Béirut sabada 17 bulan ditawan.
1999 – Rajapati Xerox, Bryan Koji Uyesugi nembak dalapan jalma, maténi genep batur gawé jeung pangawasna. Mangrupakeun kajadian panelasan masal pangparahna dina sajarah Hawaii.
