1739 – Awal Patempuran Porto Bello antara pasukan Inggris lawan Spanyol dina Perang Ceuli Jerkin.
1776 – Perang Révolusi Amerika: Pasukan Inggris ngadarat di Palisade (lamping) New Jersey, sarta tuluy nyerang Benteng Lee. Pasukan Kontinéntal mimiti mundur ngaliwatan New Jersey.
1820 – Hiji lauk paus pariuk nu beuratna 80 ton nyerang jeung ngelebuhkeun kapal laut Essex (kapal paranti moro lauk paus ti Nantucket, Massachusetts) 2.000 mil ti bojong kaler Amérika Kidul. (Sabagéan novel Herman Melville, Moby-Dick taun 1851 kailhaman ku kajadian ieu).
1910 – Francisco I. Madero ngamimitian Révolusi Méksiko ngalawan Présidén Porfirio Díaz.
1917 – Perang Dunia I: Patempuran Cambrai dimimitian: pasukan Inggris mimiti nyerang ka posisi Jérman tapi tuluy mundur kadeseh.
1943 – Perang Dunia II: Patempuran Tarawa (Operasi Galvanik) dimimitian: Marinir AS ngadarat di Atol Tarawa di Kapuloan Gilbert sarta nandangan témbakan tohaga ti sanjata basisir jeung sanjata mesin Jepang.
1946 – Puputan Margarana: Di Bali, I Gusti Ngurah Rai jeung pasukanna perang bébéakan di Désa Marga ngalawan Pasukan Walanda nu jumlahna jauh leuwih réa.
1947 – Putri Elizabeth rarabi ka Létnan Philip Mountbatten, nu jadi Duke of Edinburgh, di Westminster Abbey di London.
1962 – Krisis Misil Kuba réngsé: Ngawales kana kapanujuan Uni Soviét pikeun mindahkeun misil-misilna ti Kuba, Présidén AS John F. Kennedy mungkasan karantina ka bangsa Karibia.
1968 – Béncana Tambang Farmington, sanjumlah 76 panambang palastra dina hiji jeguran di tambang Pausahaan Batu Bara Konsolidasi No. 9 di Farmington, Virginia Kalér.
1969 – Aktivis pribumi Amérika ngarebut kontrol Pulo Alkatras méméh tuluy dibuburak ku Pamaréntah AS dina 11 Juni 1971.
1974 – Kacilakaan fatal Boeing 747 nu munggaran kajadian nalika Pasawat Lutfhansa 540 murag sabada leupas landas ti Bandara Intérnasional Jomo Kenyatta di Nairobi, Kenya, nelasan 59 tina 159 jalma nu aya dina jero kapal.
1977 – Présidén Mesir Anwar Sadat jadi pamingpin Arab munggaran nu sacara resmi datang ka Israél nepungan PM Menachem Begin pikeun ngalalanyah pamustungan daméy.
1979 – Kurang leuwih 200 Muslim Sunni pimpinan Juhaiman al-Otaybi nyieun pakéwuh di Arab Saudi di Masjidil Haram, Mekah, wanci ibadah haji, sarta nahan 600 sandera. Pamaréntah Saudi meunang bantuan ti pasukan husus Pakistan pikeun mareman pakéwuh éta.
1993 – Yakovlev Yak-42, pasawat Avioimpex no. 110 Makédonia ragrag di deukeut Ohrid, nelasan sakbeh 116 jalma dina jero kapal.
1994 – Pamaréntah Angola jeung pamungpang UNITA néken Protokol Lusaka di Zambia, ngeureunan perang sodara salila 19 taun. (Patempuran lokal masih lumangsung di taun hareupna).
1996 – Kahuruan di hiji gedong pakantoran Hongkong, nelasan 41 jalma sarta nyideraan 81 lianna.
2003 – Sanggeus pangeboman tanggal 15 Nopémber, bom kadua kajadian di Istambul, Turki, ngancurkeun kantor pusat Bank HSBC Turki jeung konsulat Inggris.
