1793 – Jean Sylvain Bailly, Walikota Paris nu munggaran, dihukum pati ku gluotin nalika Pamaréntahan Téror.
1912 – Raja George I ti Yunani asup ka Salonika sabada kota éta dibébaskeun ti kakawasaan Turki Ustmani salila 482 taun.
1918 – Austria jadi nagri républik. Sabada diproklamirken, hiji kudéta gagal dilakukeun ku Pangawal Beureum nu éléh ku sosial démokratis Volkswehr.
1928 – SS Vestris tilelep kira-kira 200 mil (320 km) ti Hampton Roads, Virginia, nelasan saheunteuna 110 panumpang, lolobana awéwé jeung barudak. nu maraot sabada ninggalkeun kapal.
1940 – Patempuran Gabon dina Perang Dunia II réngsé nalika Pasukan Perancis Bébas ngarebut Libreville, Gabon sarta sakabéh Afrika Khatulistiwa Perancis ti Perancis Vichy (dukungan Hitler).
1942 – Patempuran Kapal di Guadalkanal antara armada Jepang lawan Amérika dimimitian di deukeut Guadalkanal. Lumangsung tilu poé pikeun kameunangan Amérika.
1948 – Di Tokyo, Pangadilan Militer Intérnasional pikeun Wétan Jauh, ngahukum mati tujuh pajabat militer jeung pamaréntah Jepang, kaasup Jénderal Hideki Tojo pikeun peran-peran maranéhna dina Perang Dunia II.
1969 – Jurnalis invéstigasi bébas Seymour Hersh medarkeun carita Pangbantéan My Lai ku tentara AS dina Perang Viétnam.
1970 – Angin Puyuh Bhola narajang bojong wétan Pakistan, minangka angin puyuh paling maut dina sajarah. Korban palastra leuwih ti ½ juta jalma.
1971 – Dina raraga Viétnamisasi, Présidén AS Richard Nixon nangtukeun tanggal 1 Pébruari 1972 minangka tenggang waktu pikeun ditarikana 45.000 tentara Amérika ti Viétnam, dina Perang Viétnam.
1977 – Perancis ngajalankeun uji coba nuklir Oreste minangka rangkéan ka-14 tina 29 kali, dina uji coba nuklir Perancis taun 1975-1978.
1990 – Tim Berners-Lee medalkeun hiji proposal resmi pikeun World Wide Web (WWW).
1991 – Insidén Dili Timor Timur, leuwih ti 250 démonstran perlaya di Santa Cruz.
1995 – Kasapukan Erdut ngahasilkeun résolusi daméy dina Perang Kamerdékaan Kroasia.
1996 – Pasawat Boeing 747 nu Saudi Arabian Airlines diadu jeung pasawat kargo Kazakhstan Ilyushin Il-76 di awang-awang deukeut New Delhi, nelasan 349 jalma. Pangmaut-mautna tabrakan udara nepi ka kiwari.
1997 – Ramzi Yousef divonis salah pikeun jadi pararancang pangeboman WTC taun 1993.
1999 – Lini Düzce 7.2 Mw ngeundeuk-ngeundeuk kulon laut Turki. Sahanteuna 845 jalma palastra sarta ampir 5.000-na cidera.
2001 – Di Kota New York, Pasawat Airbus A300 American Airlines Flight 587, nu rek ka Républik Dominika, murag sababaraha menit sabada leupas landas ti Bandara Intérnasional John. F. Kennedy, nelasan sakabéh 260 jalma na jero kapal sarta limaan di darat.
2003 – Di Nasiriyah, Irak, saheunteuna 23 jalma, di antarana kaasup korban-korban munggaran urang Itali dina invasi ka Irak taun 2003, maraot alatan bom bunuh diri ka hiji markas polisi Itali.
2003 – Karéta Cepet Shanghai nyieun hiji rekor dunia kacepetan sistem jalan karéta komersil (501 km/jam (311mil/jam)), nu nepi kaayeuna tetep jadi pangcepet-cepetna karéta rél komersil nu teu dimodifikasi.
2011 – Hiji beledugan di markas misil Iran Sahid Modarres ngabalukarkeun palastrana 17 anggota Pangawal Révolusi, kaasup Hassan Tehrani Moghaddam, hiji tokoh kunci dina program misil Iran.
2015 – Dua pangebom bunuh diri ngabeledugeun manéh di Bourj el-Barajneh, Béirut, maténi 43 urang sarta natuan 200 séjénna.
2017 – Lini Kermanshah 7,3 Mw ngoyag-ngoyag kaléreun batas Iran-Irak ku inténsitas Mercalli maksimum VII. Saheunteuna 410 jalma palastra sarta leuwih ti 7.000 cidera.
