1803 – Ékspédisi Balmis dimimitian di Spanyol, tujuanna pikeun ngavaksinasi cacar jutaan jalma di Spanyol Amérika jeung di Philipina.
1853 – Perang Kriméa: Dina Patempuran Sinop, Armada laut Karajaan Rusia dina pingpinan Pavel Nakhimov ngancurkeun armada Turki Ustmani dina pingpinan Usman Pasya di Sinop, hiji palabuan laut di kaleureun Turki.
1939 – Perang Usum Tiis: Pasukan Soviét mareuntas ka Finlandia di sababaraha tempat jeung ngaboman Hélsinki sarta kota-kota séjénna, ngamimitian perang.
1942 – Perang Dunia II: Patempuran Tassafaronga; Skuadron leutik kapal pangrusak Jepang dipimpin ku Raizō Tanaka ngéléhkeun armada pangjalajah AS dina pingpinan Carleton H. Wright.
1947 – Perang Sodara di daérah Mandat Palestina dimimitian, ngajalanan kana dijieunna nagara Israél.
1954 – Di Sylacauga, Alabama, Amérika Sarikat, météor Hodges narajang hiji suhunan imah sarta nelasan saurang awéwé nu keur saré beurang; ieu mangrupa hiji-hijina kajadian météor ti langit ninggang jalma nu kungsi kadokuméntasikeun di Wilayah Kulon.
1999 – Exxon jeung Mobil néken hiji kasapukan saharga AS$ 73,7 miliar pikeun merger, ngajadi ExxonMobil, panggedé-gedéna pausahaan di dunia.
1999 – Di Seattle, Amérika Sarikat, démonstrasi ngalawan pasamoan WTO ku pamerotés anti-globalisasi teu dinyana ku pulisi sarta maksa kana dibatalkeunna upacara bubuka.
2004 – Pasawat Lion Air MD-82 nomer JT 538 tiseureuleu nalika ngadarat di Bandara Adisumarmo, Surakarta, 26 tiwas sarta 61 lianna taratu.
2018 – Lini 7.0 mw nu puseurna ngan 15 mil ti Anchorage, Alaska, ngabalukarkeun karusakan nu lumayan gedé tapi teu aya korban jiwa.
